Chapter 46

Kinabukasan ay tanghali na nagising si Cherry Lou. Napansin niyang hindi ata natulog si Anthony sa tabi niya. Nagising kase siya ng alas tres ng madaling araw pero wala ito sa kama at dahil inaantok pa rin ay inisip niyang baka nagbanyo lang ito, kaya bumalik na siya sa mahimbing na pagtulog. Pero ngayon ay sigurado na siyang hindi nga natulog ang lalaki sa kanyang tabi.

Bigla siyang nakaramdam ng pag aalala para kay Anthony ng maalala niyang amoy alak ang lalaki kagabi. Kaya agad siyang bumangon at naghilamos. Nang matapos ang kanyang ginagawa tuwing umaga ay lumabas na siya ng silid upang tingnan kung naroroon ang binata sa may sala o baka nasa dinning area na ito at nag aalmusal.

Nasalubong niya si Liza na may dalang tray na may lamang isang pitsel ng orange juice at baso na walang laman. Binati niya ang kasambahay na matipid naman siyang nginitian na nagbalik bati rin sa kanya at tinanong niya ito kung nakita ba nito ang among binata.

"Nasa pool si sir Anthony, lumalangoy." aning