Chapter 22

Samantala sa dressing room naman ay ipinatawag ni madam Leah si Cherry. Kinabahan ang dalaga ng ipabatid sa kanya na gusto siyang makausap ng kanilang manager.

Napatingin pa nga si Cherry kina Edna at Patricia na naramdaman ang kaba niya.

"Hindi ka naman siguro paaalisin ni madam dahil lang sa gulo ninyo nila Olga kanina, baka may gusto lang talagang sabihin sayo. Sige na puntahan mo na at baka mainip pa sa paghihintay sayo si Madam Leah." Wika ni Edna sa kanya.

Tumango si Cherry at naglabas ng hangin sa bibig atsaka sumunod ng maglakad sa tumawag sa kanya papunta sa opisina ng manager nila.

Pinapasok siya ng lalaking bantay sa may pinto ni Madam Leah.

"Madam Leah, pinatatawag mo raw ako."

"Maupo ka Cherry, di ko na pattagalin ang usapan natin. Gusto kong magtopless ka mamaya sa dance number mo." pahayag ng manager sa kanya na ikinaawang ng kanyang bibig sa pagkabigla.

"As you can see Cherry, marami tayong costumer ngayon na nagrerequest na makita ka at makatable ka mula ng pumasok k