Chapter 26

Pagkalabas na pagkalabas ni Celina sa emergency exit, ay doon niya lang naisip na wala siyang cellphone para tawagan ang kaniyang nanay at sunduin siya sa building na ito.

"Napakamalas na araw talaga na ito!" inis na sigaw ni Celina kaya may ibang tao ang tumingin sa kaniya, pero hindi niya iyon pinansin dahil ang naisip niya ngayon, ay paano siya makakabalik ng mansion na hindi humihingi ng tulong kay Massimo.

Pagkalabas niya ng building, ay tumayo muna siya sa gilid ng main entrance ng building para makapag-isip ng gagawin para makauwi sa mansion. Hindi naman siya babalikan ni Magnus at hindi naman alam ng nanay niya na nandito siya ngayon. Kaya imposibleng puntahan siyia ng nanay niya rito.

Bakit ba kasi ibinalik niya agad 'yung cellphone? Hindi man lang siya nag-iisip kung ano ang pwedeng mangyare sa kaniya dahil sa pagpunta niya rito. At hindi niya inisip kung paano siya makakabalik dahil iniwan siya ni Magnus.

Hindi na lang sana siya naniwala o nakinig sa sinabi ni Magnus.

H