Chapter 29

Aira's POV

Sunday na ngayon ng madaling araw ngunit kakatapos lang namin maghakot ng gamit ko mula sa mansyon. Gusto ko na talagang lumayo sa mga mata ni Meriam at ni Mommy. Ayoko pagdudahan nila ako na aangkinin ko ang Company dahil lang boyfriend ko na si Miguel.

Raven texted me kung nasaan daw ba ako bukas. Sinabi ko sa kaniya na dito lang sa condo. Wala kasi kaming trabaho bukas kaya siguro nagaalala siya kung ano ang gagawin ko dito habang wala akong kasama.

"Dito lang naman ako. Bakit?" reply ko sa kaniya.

"Sumama ka sa amin sa resort sa palawan. Balik tayo ng monday morning." agad niyang reply sa akin.

Hindi pa ako sumasagot ng makarecieve ako ng isa pang text.

"Ate, umalis ka daw sabi ng guard dito sa mansyon. Bakit dis-oras ng gabi ka umalis. Sobrang delikado ngayon. Sinong kasama mo? Sino naghatid sayo? Pwede ba kitang sunduin bukas? labas naman tayo." Sunod sunod na basa ko sa mga text messages niya.

"Kita tayo bukas sa lobby ng condo nila Raven. " sabi ko sa kaniya.