Chapter 15: Threats

Pagod na bumaba sa babaan ng jeep si Samantha. Pagkatapos niyon, patamad siyang naglakad. Dalawang kanto lang ang layo ng inuupahan niyang bahay mula doon kaya talagang nilalakad lang niya iyon pauwi. Kaya lang, sa mga oras na ‘yon, parang mas gusto niyang magtraysikel na lang pauwi. Pagod na pagod na kasi ang mga paa niya. Iyon na ang ikatlong araw na maghapon siyang nasa labas at naghahanap ng trabaho. Kaya lang, wala pa rin talaga siyang mahanap na trabaho na puwede niyang pasukan.  Kung hindi siya qualified dahil undergraduate siya, nagkakaproblema siya sa working hours dahil ang iba, night shift ang schedule ng pagtatrabaho.

Kanina, matapos niyang magpasa ng application sa isang call center,  dumaan siya sa university. Nag-file siya ng LOA para sa kasalukuyang sem. Desidido na kasi siya.  Alam niyang importante ang sem na iyon upang makatapos siya. Pero sa ngayon, mas kailangan niyang magtrabaho upang mabuhay siya at makapagbayad ng uta