Chapter 63

Mabilis kinuha ng mga guards ang babae at nang mapalabas na ang iba pang tao sa hotel room namin ay mabilis na nilapitan ni Zy si Amadeus at saka hinawakan sa kaniyang balikat.

"Ayos ka lang ba? Nasaktan ka ba? Huy! Magsalita ka naman, oh," sunod-sunod na tanong nito at halata mo pa sa boses ang pag-aalala.

Nagmukha tuloy akong third weel sa kanila dahil hanggang ngayon ay hawak-hawak ko pa rin ang kumot na nakatakip sa katawan ni Am-Am.

Nang maka-recover sa nangyari ay mabilis na tumingin sa akin si Am-Am.

"Ayos ka lang ba? Wala bang masakit sa iyo? Nasugatan ka ba?" sunod-sunod na tanong naman sa akin nito.

Nagdalawang isip naman ako bago sagutin ang tanong niya dahil pareho silang nakatingin sa akin ni Zy at hanggang ngayon ay hindi pa rin sinasagot ni Am-Am ang mga tanong niya at tila ba hangin lang siya sa paligid namin.

Awkward naman akong tumango. "Wala namang masakit sa akin," pagsisinungaling ko dahil nasaktan ako sa pagsuntok ng mukha ng babaeng iyon.

Mukhang bakal yata ang