Chapter 70

"40,000 per month," sagot niya.

Nanlaki ulit ang mga mata ko at hindi na napigilan pa ang bibig na bumuka.

"Seryoso ka ba?! Ang laki, huy," saad ko.

"Kaya nga pag-isipan mo nang mabuti dahil kun'di ay maghahanap ako ng ib—"

"Oo na! Sige na. Payag na ako maging manager ng hotel mo," sagot ko.

Natawa naman siya dahil sa aking naging reaksyon.

Hindi naman siguro halata na mukha akong pera, 'di ba? Nangangailangan lang talaga.

"Hindi pa tapos ang pagpapagawa sa hotel. Isang buwan pa bago matapos, payag ka ba na maghintay ng isang buwan?" tanong niya.

"Oo naman. Kung nakakapaghintay ang pera, e 'di gagawa ako ng paraan para makapaghintay rin," sagot.

"Bakit ka naman gagawa ng paraan?" nagtatakang tanong nito.

"Duh! Mukha akong pera," pagbibiro ko.

Napaili