CHAPTER 57

Nanginginig sa takot si Iya dahil nakatingin sa kanya ngayon si John. Hindi niya kayang ihakbang ang mga paa niya dahil para siyang napako sa kinatatayuan niya. Nauna ng lumabas si Selina sa kanyang opisina kaya naiwan na lang ang dalawa. Kaya naglakas loob na siyang magsalita.

“Pangako po, wala akong pagsasabihan.” sabi ni Iya sa lalaki.

“Hindi ko sinabing magsalita ka,” sabi ni John.

“Opo, sorry po.” nakayuko na sabi ni Iya.

“Gawin mo lang ang trabaho mo at wag mong pakialaman si Dok Enna. Maliwanag ba?”

“Opo,” mabilis na sagot ni Iya dahil sa takot.

Nang marinig ni John ang sagot ng babae ay mabilis niyang nilisan ang opisina ng doktor. Naiwan naman si Iya at bigla na lang bumigay ang mga tuhod niya. Kaagad siyang napaupo sa sahig dahil sa takot. Alam niya na kailangan niyang itikom ang kanyang bibig.

Sa VIP room ay agad na pumasok si Selina at bigla na lang umaliwalas ang mukha ni Zayn.

“Mabuti naman at nandito ka na,” nakangiti na sambit ni Zayn.

“May problema ba?” mahinahon na