CHAPTER 50

At hindi nga nagkamali si Selina dahil nalaman na ito ng direktor ng hospital. Pumunta ang direktor kay Kier ngunit hindi siya nito pinansin. Kaya walang ibang nagawa ang direktor kundi ang puntahan na ang batang doktor.

“Nagkita na ba kayo ng pasyenteng ‘to? Bakit palagi ka niya hinahanap? Ano ba ang sakit niya? Hindi pa ba gumaling?” sunod-sunod na tanong niya kay Selina.

“Naging pasyente ko siya pero sa tingin ko ay may mali sa kanya. Baliw yata ang lalaking ‘yon,” sagot naman ni Selina.

“Paano mo nasabi ‘yan?” puno ng pagtataka na tanong ng direktor.

“Ang unang beses na ginamot ko siya ay maliit na sugat lamang sa kamay” sabi ni Selina.

“Kalokohan, maliit na sugat lang.”

“Oo kaya nga ayaw ko siyang makita. Dahil ang lakas ng trip niya,” sambit niya sa direktor.

“Mukha ngang hindi siya interesado na gamutin siya ng ibang doktor. Sa tingin ko ay narito siya dahil nais ka niyang makita, ikaw ang tanging sadya niya.” saad ng direktor.

“Hindi ko siya lubos na kilala pero ilang beses