CHAPTER 4

Matapos ng matinding bakbakan, natulong silang magkayakap. 3 am, naalimpungatan si Kendall kaya

bumangon si Kendall at nagbihis, bagay na ikinagulat naman ni Scott.

"Saan ka pupunta Kendall?" Sambit ni Scott na napabangon ng walang saplot, matigas parin ang kanyang alaga.

"Uuwi na ako Scott, baka magalit ang papa ko!" Maluha luhang sabi ni Kendall.

Niyakap ni Scott si Kendall at ramdam nito ang matigas pa rin na alaga ng binata.

"Kitang kita ko ang takot sa mga mata mo Kendall, hanggang kailan ka magpapaalila sa tatay mo?"

Humarap si Kendall kay Scott. "Hindi mo naiintidihan ang sitwasyon ko Scott, mahirap ang kalagayan ko at hindi na ako makakawala sa tatay ko!"

Hinawakan ni Scott ang malambot na pisngi ni Kendall. "Alam mo ba kung ano ang madalas na ituro sa akin ng yumao kong lola?"

Hinawakan ni Kendall ang kamay ni Scott, pumikit ito at dinama ang malambot na kamay ng binata bago ito nagsalita ng pabulong. "Ano?"

Pumatak ang luha sa mga mata ni Scott dahil dama niya ang hinagpis na pinagdadaanan ni Kendall. "Ang sabi sa akin ng lola ko, lahat ng paghihirap ng tao ay mayroong katapusan... bakit hindi na lang tayo magtanan at lumayo? Umuwi tayo sa probinsya at magtago tayo sa tatay mo!"

"Hindi pwede, Scott! Mas lalo akong masasaktan kapag nadamay ka aking problema!"

"Nagkakamali ka ng inaakala, Kendall! Pinili kong idamay ang sarili ko dahil mahal kita, gusto kong malaman mo na karamay mo ako sa bawat pagsubok ng buhay mo! Wag mo akong iwan, please! Huwag ka nang bumalik sa sakim mong tatay!"

Dumampi ang halik ni Kendall sa bibig ni Scott. "I am sorry, Scott! Simula ngayong araw, layuan mo na ako! Pinagtagpo tayo pero hindi tayo ang tinadhana para sa isa't isa!"

Hinawak ni Scott ang mga braso ni Kendall, "please wag mo akong iwan!"

Tinanggal ni Kendall ang kamay ni Scott sa kanyang balikat at saka ito nagbihis at umalis. Pagbalik ni Kendall sa kanilang mansyon, nag aabang na naman si Ahron sa kanyang pagdating, kitang kita ni Kendall ang galit na nagliliyab sa mga mata ng kanyang ama. Paglapit niya dito ay magmamano sana siya subalit iniwas ni Ahron ang kanyang kamay.

"Saan ka nagpunta?" mahinang tanong ni Ahron na may halong galit ng bigkasin niya ang kanyang salita.

"Dad, medyo napasarap lang po ang kwentuhan namin sa dinner kaya medyo madaling araw na po ako nakabalik!"

Biglang sinakal ni Ahron si Kendall sa leeg, bagay na ikinagulat ng dalaga.

"Wag mo akong gawing tanga, Kendall! Hindi 'yan ang sinabi sa akin ng manager mo!"

"D...ad, nasas...aktan po ako!"

Sinabunutan ni Ahron si Kendall at hinila sa kanyang kwarto. Kitang kita ng kanilang mga kasambahay ang pananakit ni Ahron sa artista niyang anak subalit alam nila na wala silang magagawa kung hindi ang pagmasdan na lamang ang ginagagawang pananakit ni Ahron. Pagpasok nila sa kwarto, sinampan at sinigawan ni Ahron si Kendall at rinig ito ng mga kasambahay na nakayuko.

"SA DAMI NG TAONG PWEDE, BAKIT SA AKIN PA? SABI KO SAYO ALAM KO ANG BAWAT GALAW MO SA TAPING KAYA HINDING HINDI MO SILA PWEDENG GAWAN NG KUWENTO!" Lumapit si Ahron kay Kendall na tumumba sa sahig at sinakal ito sa leeg. "Sabihin mo sa akin ang totoo, saan ka nagpunta at sino ang kasama mo?" bulong ni Ahron kay Kendall.

Hindi sumagot si Kendall sa tanong ng kayang ama dahil nanginginig ito sa takot dahil sa matalim na tingin ng kanyang ama.

Binitawan ni Ahron ang leeg ni Kendall at saka hinawi ang buhok nito. "Anak, hindi naman ako masamang tao eh! Sadyang matigas lang ang ulo mo kaya kita napapagalitan, hindi naman sana tayo magkakaroon ng problema kung susundin mo lahat ng gusto ko! Hindi ka ba masaya na nabigyan mo kami ng kapatid mo ng magandang buhay? Proud na proud ako sa narating mo, Kendall at hinding hindi ako papayag na isang lalaki lamang ang sisira ng pangarap na binuo natin para sayo kaya sa oras na malaman kong may lumalandi sayong lalaki, hindi ako magdadalawang isip, papatayin ko siya at ikaw ang may kasalanan noon, naiintindihan mo ba?"

Nagsimulang pumatak ang luha sa mga mata ni Kendall na lalaong nagpayamot kay Ahron, dahilan para muli niyang sabunutan ang ulo nito.

"Sumagot ka, Kendall! Dahil ayaw na ayaw kong magmukha akong nagsasalita sa hangin!"

"Opo dad, please bitawan niyo na po ang buhok ko, nasasaktan po ako!"

Sinunod naman ito ni Ahron at hinawakan niya ang kamay ni Kendall para tulungan itong tumayo. "Kumain ka na, Kendall, hindi ka pwedeng magkasakit dahil pag nangyari 'yan mawawalan ka ng trabaho at malalaos ka!"

Hinawakan ni Kendall ang kamay ng kanyang ama at tumayo ito, nagtungo sila sa kusina kung saan may mga nakahaing gulay sa lamesa, hinila ni Ahron ang upuan sa loob ng lamesa at pinaupo niya si Kendall.

"Please have a sit, anak!" Nakangiting sabi ni Ahron.

Umupo si Kendall subalit hindi ito natakam sa mga gulay na nakahin sa lamesa.

"Dad, bakit naman po puro gulay ang nakahain sa akin?" tanong ni Kendall.

Umupo si Ahron sa tabi ni Kendall at sinermonan na naman niya ito. "Hindi ka na bata, Kendall! Hindi mo ba napapansin na nadadagdagan na ang timbang mo?"

Kinuha ni Kendall ang kutsara para kumuha ng pakbet. Bigla na namang nagsalita si Ahron at napalingon sa kanya si Kendall.

"Anak, alam mo napakaswerte ko sayo kasi ikaw ang naging dahilan kung bakit nakakatikim tayo ng magandang buhay ngayon. Basta sundin mo lang kung ano ang gusto kong mangyari kasi ama mo ako at ako lang ang bukod tanging nakakaalam kung ano ang makakabuti sayo oh hindi!"

"Opo dad," tanging sagot ni Kendall.

"Siya nga pala, mukhang marami rami ka pang magiging endorsements at mga gagawing mga movies!"

Napayuko si Kendall at dahan dahang nagsalita. "Dad, sorry kasi gusto ko sanang tanggihan ang ilan sa mga movies na inaalok sa akin!"

Sinabunutan at sinungalngal ni Ahron ang bibig ni Kendall sapagkat hindi niya inaasahan ang magiging sagot ng kanyang anak. "At bakit mo gustonng tanggihan? Hindi mo ba alam kung gaano kataas ang offer sayo ng mga producers?"

Muli na namang pumatak ang mga luha sa mata ni Kendall. "Dad... nasasaktan po ako!"

Sa halip na maawa ay mas lalong hinigpitan ni Scott ang pagsungalngal niya sa kanyang anak. "Talagang masasaktan ka sa akin... bakit mo naisip na tanggihan ang offer sayo ng producer? Paano kung ibigay nila 'yun sa iba?"

"Dad, masyado pong daring ang role ko and required po ako gumawa ng mga malalaswang scene!"

"Oh, eh ano ngayon? Hindi ba't usong uso naman ang mga ganoon ngayon! Hindi ka dapat namimili ng mga roles na gagawin mo lalo na't mahirap makahanap ng ganung offer. 10 million ang nakalagay sa contract mo, kung ano man ang nakalagay sa description ng role mo, hindi ka pwedeng magreklamo. Kokontakin ko ang producer at sasabihin kong pumapayag ka sa mga daring scenes!"