FREY
Ngumisi ako sa sinabi ni Dark. "Sobra pa sa sapat ang ibinayad mo sa akin. At isa pa, nag enjoy ako sa kama mo kaya wala na akong dapat balikan pa." Huhulaan ko na hindi siya basta susuko kaya tumayo na ako para pumunta sa bathroom. Nanlalagkit ako sa pawis at kailangan kong maligo. Busog nga ako sa sex pero literal na gutom. Hindi rin ako nakakain nang maayos kagabi dahil sunod-sunod ang tawag sa phone niya at alam kong maraming problema. Busy siya sa araw sa dami ng negosyo na hawak niya at ginagawa niya akong pahinga sa gabi. Para siyang makina o dios at ako ang sobrang napapagod. "Frey...." "Nagugutom ako," angil ko sa kanya. "Wala akong ibang kailangan kundi pagkain." "Naihanda ko na habang natutulog ka." Tinapunan niya ng tingin ang trolley sa paanan ng kama. Gaya ng mga unang araw, siya rin ang cook sa aming dalawa. At ngayon ko lang napansin, nagliliwanag na sa labas ng bahay. Kung ganon, isang maghapon na lang ang mayroon kami. "Salamat." "Handa akong maghintay sa tira-tira mong oras. Kahit gaano katagal kaya huwag mo sana akong pagtaguan." Saan nanggaling 'yon? "Nakalimutan mo ang nag iisa kong request bago ko pirmahan ang kontrata. Pagkatapos nito, hindi na tayo magkikita." "Ginawa ang mga patakaran para baliin." Hindi na ako sumagot. Sa mahabang panahon ng mga paghihirap ko kasama ang mama ko, natutunan ko ang isang bagay para hindi ako mabaliw. Kaya kong magreset ng utak at sabihin sa sarili kong hindi nangyari ang lahat sa pagitan namin ni Dark gaano man kaganda ang lahat nang 'yon. Paghihiganti lang ang dahilan kaya ako nabubuhay. At pag nagawa ko na 'yon wala na akong mahihiling pa. Aaminin kong may mga oras na nakakalimot ako, pero iba na pala kapag may hawak ka nang pera: Hahanapin ko si Ray at tatapusin ko siya. Hinarap ako ni Dark dahil hindi ako sumagot pero biglang tumunog ang phone niya. Nagmamadali siyang nagbihis at halos liparin ang palabas ng silid. Gaya niyan, sa dami ng problema niya, dadagdag pa ba ako? -------------- DARK "KAHIT kailan hindi ako tumakas sa responsibilidad ko, mama. Bakit kailangan mo pa akong puntahan ngayon?" Alam kong hindi nakakaintindi si Victoria kaya sasalubungin ko na siya bago pa umabot sa resthouse. "Kahit minsan ba hindi ko puedeng gawin ang gusto ko?" Kahapon pa niya binubulabog ang phone ko. Minsan ko na lang uli naramdaman na tao pala ako pero heto na naman kami. Sisirain na naman ang kaligayahan ko ngayon. Si Frey. Si Frey na hindi ko magawang itakas habang natutulog bago pa dumating si mama. Wala akong karapatan na idamay siya sa drama ng buhay ko. Minsan totoong ipinagpapasalamat ko na baliw ang aking ina at masaya na sa pagpapanggap na banal sa loob ng mga chapels pero madalas hinihiling ko na sana hindi na ako ipinanganak. Kung wala lang ang mga kapatid ko, wala na rin sigurong dahilan para gustuhin ko pang mabuhay. Sinakal ko ang manibela para imaniobra ang sasakyan palabas. Pero huli na dahil nakahambalang na sa entrada ng gate ang kotse ni mama. Umikot ang utak ko sa pagkatuliro. Ang mga kapatid ko, tumulong sila sa akin para maging tahimik ang bakasyon ko na ito....ano kaya ang nangyari? Huminto ang puso ko nang bumukas ang pintuan ng BMW. Pakiramdam ko sinakluban na naman ako langit. Naunang lumabas si Simon, ang all around PA, bodyguard at Lawyer ng nanay ko. Na tumanda na lang sa paglilinis ng kalat at eskandalo ng una. One sided love affair ang namamagitan sa kanila kahit kasal sila. At si Simon lang ang nagmamahal. Hindi ko masabing lover siya ni mama kahit siya ang nagpapanggap na tatay namin. Naming limang magkakapatid na anak ni Victoria sa iba't-ibang lalaki. Diyosa at napakaganda pa rin ni Victoria sa edad na 55. Marami pa rin ang nakapila sa atensyon niya. Kaya naman wala na yatang pag asa na magbago. Malignant narcissist ang aking ina. Nauna itong pumasok sa loob kahit hindi pa ako tinatapunan nang tingin. Maingat na humahakbang sa sementadong pathway na parang walang delubyong dala. Sumunod ako sa kanya, sa likuran ko si Simon. At nagsimula na naman ako sa walk of shame. Dear God, kelan ba ito matatapos? ------------------ FREY ALAM na alam ko ang tunog nang sinasampal nang paulit-ulit. Dahil personal ko 'yong naranasan. Kilalang pulitiko ang step-dad ko pero buktot at abusado. Duwag naman si mama kaya kapag lango sa droga ang lalaking pinakasalan halos kalilibing lang ni papa, kahit ang umiyak nang tahimik naging talent na niya. Nasa harap ko na ngayon ang almusal na inihanda ni Dark: sausages, bacon, sunny side up egg at fresh orange juice na titikman ko na sana pero naramdaman kong parang may taong dumating. Narating ko agad ang upper landing ng matayog na hagdan. Hindi ako nagkamali, may ibang tao sa ibaba at sinasampal si Dark. Kumuyom ang palad ko at hindi ako makahinga. Pamilyar ako sa karahasan. At walang mintis nitong binubuhay ang galit ko sa mundo. Galit na nagtutulak sa akin na hindi makapag isip gaya ngayon. Wala akong pakialam kung sino ang babae pero nakita ko ang submission sa kilos niya. Mama niya kaya? Pero kahit tama ako, ayokong sinasaktan nang kahit sino si Dark. May maliit na vase sa paanan ko ang nasagi ko nang dumungaw ako sa ibaba, tuluyan ko 'yong itinulak para matumba para makuha ko ang atensyon nila. Hindi 'yon nabasag pero sapat ang ingay para mapansin nila ako. Halos sabay na tumingala ang dalawa maging ang isa pang lalaki sa entrada ng pintuan pero hindi nangyari ang eskandalong inaasahan ko. Ilang segundo lang akong tinitigan ng babae saka tahimik na umalis. Ang binitiwan nitong handbag, pinulot ng kasama nitong lalaki at wala ring kibo na sumunod sa una. Akala ko lalapitan ako ni Dark pero sumunod rin siya sa mga taong dumating. Naiwan akong nanginginig at hindi makapaniwala. Wala naman talaga akong pakialam pero bakit ako nag aalala?DARK TINAWAGAN ko si Reon. "Kuya, nasundan ako ni mama sa resthouse. Ano ba'ng nangyari?" Ang dami ko ring pinagdaanan para makapagtago kami ni Frey pero wala rin palang silbi. Alam kong darating si mama sa resthouse kaya kagabi pa ako hindi mapakali. Pakiramdam ko hindi ko na uli makikita si Frey. Masama talaga ang loob ko dahil ni hindi ko nagawang magpaalam sa babaing gusto ko. Pakiramdam ko mababa pa ang halaga ko sa tubig sa imburnal o sa laman ng poso negro. Wala akong kuwenta. Isusumpa ako ng babaing 'yon sigurado ako. Pero kung mas magagalit si mama, baka hindi ko rin mapatawad ang sarili ko. Sasaktan nito ang sarili nito o maglalaslas ng pulso sa paraang hindi naman ito mamamatay. Gagawin nito ang lahat para mag alala ako hanggang sa sumunod ako sa mga kapritso nito, damay ang mga taong nasa paligid. Endless ang kayang gawin ng nanay ko makuha lang ang atensyon ng sinoman sa kanyang mga supply. Sanay na kami dito pero hanggang ngayon hindi pa rin 'yo
FREY HINDI ko kailangan ang kahit na sino. Sinasabi ko 'yon sa sarili ko habang inililigpit ang personal kong gamit sa resthouse. Nasa bag ko ang passbook kung saan naka-deposit ang 7 milyong piso sa unang beses na may nangyari sa aming dalawa. At para akong sinusunog nang buhay dahil sa pagmamadali. Tumatakas ako sa anino ni Dark. Sa pakiramdam na nag aalala ako sa kanya mula nang umalis siya kanina. Mas tumitindi iyon habang nag iisip ako kung ano na ang nangyari sa kanya. Malakas din ang kutob ko na hindi na niya ako babalikan kaya uunahan ko na siya. Napakagulo ng isip ko. Gaano ba kahirap na tawagan ako sa phone at sabihing tapos na kaming maglaro dahil nabisto na kami ng nanay niya? Miserable ang puso ko at ayoko nito. "Hi." Muntik na akong mapalundag sa gulat. May babae sa likuran ko at napakaganda. Ni hindi ko napansin dahil marami akong iniisip. Matangkad ito at mukhang mayaman. Ang ere na nakikita ko ay exceptional. Nasa ilalim ng cardigan ang contrast trim-top a
FREY (flashback) "MAY boyfriend ka na ba?" Nakatayo ako sa harap ni Dark Samaniego dahil ipinatawag niya ako. Ako na sa dinami-dami ng mahuhusay na tauhan ng Samaniego Corporation ay halos saling pusa lang naman dito. Dati, tuwing sabado lumalabas ako para makipagdate kay James, supervisor ng isang departamento dito. Isang reyalidad na kapag mahirap ka, kailangan mo pa ng koneksyon sa mga bagay na gusto mong malaman. Pero nakakapagtaka na sa tuwing isinisingit ko ang tungkol sa agenda ko, iniiwasan ni James. Kailangan ko lang naman ng impormasyon kung nasaan ang step father ko na ang huli kong balita ay share holder sa kumpanyang ito. Info verification pa lang pahirapan na porke wala akong pera. At dahil wala na akong maisip na paraan, pumasok akong assistant to the secretary na ang totoo ay tagatimpla lang ng kape at errand girl. "Narito po ako para magtrabaho, sir. Walang kinalaman ang personal kong buhay." "Its part of the job. Hindi ito personal. Kailangan ko k
FREY (flashback) "FREY, huwag mo akong takasan..." Walang sinoman ang may kakayahang mag utos sa katawan ko gaya ni Dark. At insulto 'yon dahil katanghaliang tapat at unang araw ko pa lang siyang nakaharap nang personal. Nang ganito kalapit. Humigpit ang mga kamay niya sa siko ko nang magmatigas akong humarap kaagad. At walang kahirap-hirap niya akong naakit na tumingala sa kanya sa sumunod na segundo. Sigurado ako na ayoko sa kanya. Mayabang, brusko, womanizer, at pangit ang lahat ng naaalala ko tungkol sa kanya pero bakit ganito ang katawan ko? Sa loob ng organisasyon ng Black Beretta na nagtatago sa tarheta ng Rainbow City, tinuruan din ako ng self defense. Na walang inaasahang kahit anong gadget o gamit maliban sa sariling parte ng katawan mo. Kabisado ko ang pressure points ng tao para gawing imbalido o higit pa. Ang survival ay kakambal ng body instincts at matalas na reflexes na hinasa sa matitinding mga trainings. Mga trainings na hindi ipinagkakait sa lahat
FREY "Nahihirapan akong mag isip ngayon. Kailangan ko ng sapat na oras para makapag desisyon." Para akong mababaliw. "Hindi. Hindi ganito," kumukumpas na ako sa hangin. "Bakit hindi pa natin deretsuhin? Na nasa plano mo talaga ang paikutin ako bilang secretary mo papunta sa kama mo." Gumuhit ang ngiti sa guwapo niyang mukha. Ang galing. Ginawa nga talaga niya akong challenge kung ang kislap sa mata niya ang pagbabasehan. "Masyado ka pa lang prangka," pinaraan niya ang mahahabang daliri sa pang ibabang labi, naaaliw. "Oo, tama ka. Mismo." Brutal ang pag amin niya. Makasalanan. Sandaling huminto ang puso ko sa pagtibok. "Magkano ang kaya mong ibayad kung...kung ikaw ang unang lalaki sa buhay ko?" Siya naman ang natulala sa sinabi ko. Nag enjoy rin ako sa pagbabago ng kulay ng mukha niya. Mula sa matinding pag aalala, parang arouse na arouse at kumalat ang pamumula sa buong katawan niya sa puntong nahihirapan na siyang huminga. Na turn on ba siya sa tapang ko? "Magkano
FREY Nasa mata na naman ni Dark ang matinding gutom sa akin. Ang kontroladong paghinga niya habang nakatitig ay pagpapanggap lang sa gagahiblang pagtitimpi para liparin ang pagitan namin at gawin sa akin ang mga iniisip niya. Isang malupit na sex na sinegundahan ko pa kahapon. May isa pang problema, kapag natutulog ako, uniform ko na ang naiwang white nightgown ng nanay ko, hanggang singit at sira sira na. At huli na naman para magtago. Narito ba siya para itanong pa kung papasok ako o hindi na? Napaka imposible ko naman kung ako ang sisiw at siya ang agila pero magpapaikot ikot pa ako sa kulungan niya? Tumayo ako at hinablot ko ang makapal na roba. Ibinalot ko agad ang sarili ko na parang suman. "Labas tayo," aniyang ibinulsa ang mga kamay. Tila may gustong gawin ang mga yon pero dapat lang na pigilan. Ang loko, naglalaway rin sa legs ko na hindi pa nasilayan ng araw. Si mama ang nagturo na hindi ako puedeng mag shorts at dapat araw o gabi naka pajama lang mul
FREY Iyakin ang mama ko. Palibhasa galing sa pamilyang maykaya bago ikasal sa tunay kong ama. Si papa ay namatay sa aksidente elementary pa lang ako. Binangga ng ten wheeler truck ang kotse niya habang nakapara sa gilid ng hi-way. Hindi tumakas ang driver at nakulong. Nakita ko rin, sinasamantala ng ilang lalaki ang isang babaing wala ng asawa. Para akong bodyguard ni mama. Walang araw o oras na may nagpaparamdam sa amin na hindi raw kami mabubuhay na walang lalaking kasama sa bahay. At sa dinami-dami ng gustong pumalit sa tatay ko, nakapasok si Ray sa bahay namin makalipas lang ang libing ni papa nang halos dalawang buwan. Nagpakasal sila halos wala pang isang taon. Sukdulan ang sama ng loob ko kay mama dahil napakahina niya. Pero naunawaan ko na hindi pagmamahal kundi takot kaya niya pinakasalan si Ray. Narinig ko silang nag aaway sa gitna ng gabi. Karelasyon na siya ni mama bago pa mamatay ang tatay ko. Nang gabing 'yon hindi ko nagawang umiyak sa sobrang galit.
FREYKAILAN ang huling period ko?Naiwan sa isip ko ang huling tanong ni Dark kahit nakabalik na ako sa bahay.Inihagis ko sa ibabaw ng kama ko ang mga bagay na galing sa kanya bago kami maghiwalay at namaluktot ako sa ibabaw ng kama habang nakatitig sa mga yon.Susi ng beach house na puede raw naming bisitahin anytime at unlimited credit card.Nagagalit ako sa sarili ko dahil parang ang tanga tanga ko.Ano bang naisip ko at narito ako ngayon sa sitwasyong ito?At bakit naiinis ako dahil sa huling tanong na iyon ni Dark na ang dating sa akin ay sanay na sanay siya sa babae.Sabagay sa gaya niyang guapo, kaakit-akit at napakayaman siguro kahit hindi siya mag flirt sa ibang babae makakaiskor siya ng libreng orgasm.Ako nga, nakalimot agad sa harap niya dahil sa parehong dahilan. Nataranta ako at kung ano ano tuloy ang nasabi ko.Kailangan kong aminin yon dahil ako mismo ang naglagay sa sarili ko sa kabaliwang ito.Madali raw tanggapin ang mga bagay kung hindi ka maninisi ng ibang tao at