24

Lahat sila ay nasa sala. Buhat pa rin ni Rowan si Elvis, na tulog pa rin. Hindi na sila nagsalita pa dahil mukhang seryoso ang kanilang boss. At base sa suot ni Elvis, parang alam na nila agad kung bakit kunot na naman ang noo ni Rowan. Lahat sila ay napaiwas ng tingin nang isa-isa silang tingnan ni Rowan sa mata, dahil alam na alam nila kung ano ang nangyari habang wala sila sa mansyon.

Maya-maya pa ay dumating si Lindsay galing sa kusina. Nagulat siya dahil parang mga kahoy ang kanyang mga kuya at nakayuko pa ang mga ito. Doon niya lang napagtanto kung ano ang iniiwasan nila. Nakita niya si Rowan habang buhat si Elvis, kaya agad niyang nilapitan ang dalawa. Gusto pa sanang pigilan ng kanyang Kuya si Lindsay, pero mabilis siya kaya wala nang nagawa pa si Jarren, ang ikalawang kuya ni Lindsay.

“Anong nangyari?" agad na tanong ni Lindsay nang malapitan niya si Rowan. Sinilip naman niya ang tulog pa rin na si Elvis.

“Bakit iba na ang suot niya? At bakit bigla na lang kayong nawala kagab