Chapter 30 Graduation

MARCUS:

NAKANGUSO AKONG nakapamulsa dito sa sala ng mansion habang hinihintay sina mommy na makapagbihis.

Parang kahapon lang nang magkaiyakan kami ni chubs na mahigpit na yakap-yakap ang isa't-isa nang maghiwalay na kami sa airport.

Tatlong buwan na rin ang nakalipas magmula nang umuwi kami ng bansa kasabay sina Mommy pagkatapos ng competition ko sa England. Kahit ayoko pa sanang umuwi noon ay hindi naman pwede dahil ayaw ni mommy na tumigil ako ng pag-aaral maski isang taon.

Tatlong buwan lang naman ang kailangan naming tiisin ni chubs, pagkatapos non ay nangako naman si Mommy na hindi niya na kami hahadlangan ni chubs na magkita at bibigyan na rin niya ako ng kalayaang makasama ang girlfriend ko kahit pa puntahan o manirahan ako ng England.

"Congrats, bunso! Kahit kolelat ka."

Napangiwi ako sa malambing pagbati ng isa sa maria quadro na humalik sa pisngi ko. Mana silang apat kay Mommy sa height at pag-uugali. Ang liliit nilang babae pero parang mga dragona dito sa mansion, haist