Chapter 38 Pagpayag

AKHIRO:

NAPAPAHILOT AKO SA sentido habang nakatapat sa laptop ko at kausap sa kabilang linya si Marcus.

Kung ako lang ay masaya ako. Masayang-masaya na malamang may magiging apo na kami ng asawa ko. Ang problema? Si Moira.

Paniguradong bubuga na naman ng apoy ang dragona namin kapag malaman nitong nakabuntis na ang bunso namin at nagpaplanong magpakasal bago magsilang si Jessica.

Wala namang problema sa akin kung 'yon na ang gustong tahakin ni Marcus na buhay. Ang mahalaga naman sa akin ay hindi nagiging pariwara ang buhay ng mga anak ko at kita ko namang nagsusumikap din doon si Marcus na palaguin ang coffeeshop ng Kuya Angelo nito. Dahil ang magaling naming dragona ay kinuha lang naman lahat ng cards ng bunso namin sa pag-aakala nitong hindi kakayanin ni Marcus mamuhay na gipit sa salapi.

"Congratulations, son. I'm happy for the both of you," ngumiti itong tumango.

Base sa paligid nito ay nasa coffeeshop na naman ito kasama si Jessica.

"Thanks, Dad. Kayo na pong bahala sa reyna