CHAPTER 15

ELEANOR POV:

“Teka, nananaginip ba ako? O nakikita ko talaga ang suplado kung boss?” lasing na ani ni Gina habang nakaturo sa isang direksyon.

Nangunot naman agad ang noo ko at tinignan ang banda kung saan nakaturo ang kaibigan ko, at doon ko nakita ang isang grupo pero ang nakakuha ng atensyon ko ay ang madilim na anyong mariing nakatingin sa akin. “Dickran ang asawa ko,” bulong ko sa sarili ko.

Ang katabi nito ay ang boss ni Trina na si Eross habang ang kabilang silya ay ang boss naman ni Gina na si Drake, prente itong nakaupo habang nakatingin din sa banda namin. Napatingin ako kay Gina na namumula ang mukha, hindi ko matimbang kung dahil ba sa alak o dahil sa amo nitong ex-boyfriend din ng kaibigan ko.

“Beb, you okay?” mahinang tanong ko habang kumurap-kurap. Umiikot na ang paningin ko at mukhang tinamaan na nga ako ng alak.

Umiling-iling naman agad ito. “P-paano ako maging okay? Hindi ko siya makalimutan at mas lalong hindi ko makalimutan ang kanyang ginawa,” may lungkot na tonon