CHAPTER 47

Biglang nawala sa mood si Castela at ayaw niyang umattend sa mga events ng BCC. Tiyak na ang malamig na pakikitungo ng nakatatandang kapatid ang sasalubong sa kanya. Kahit magpaliwanag siya ay parang balewala rin ang lahat sa kanya. Alam niyang Malaki ang problema ni Pancho at wala siyang naitulong nang maglahong parang bula si Astrid kaya lalo niyang binakuran ang asawa upang hindi na makagawa ng hakbang na makakapagpalala sa sitwasyon nilang magkapatid. Kahit si Philip ay may mga problema ring kinakaharap sa kanilang relasyon bilang mag-asawa. Wala siyang hinangad kundi ang magkaroon sila ng anak upang mabuo ang kanilang pamilya.

Kinabukasan, nalaman na lang ni Philip sa mga staff ang umiikot na balita sa buong kompanya. Nadatnan niya ang alingasngas ng mga empleyado sa Marketing Department. Maging si Philip ay nasaksihan ang tila malaking kababalaghan sa BCC. Noong isang araw pa niya naispatan ang babaeng kamukhang- kamukha ni Astrid. Gulat na gulat siya at hindi makapaniwala. Para