UNANG YUGTO - NEXT BRIDE?

UNANG YUGTO - NEXT BRIDE?

"Where are those people?" inis na singhal ni Janice nang bigla na lang mawala ang mag-asawang Luigi at Chelsey. "Nakalimutan na ba nilang nandito pa tayo sa bahay nila?"

Pagak namang tumawa si Travis at inakbayan siya. "Let them be, para namang hindi mo alam na ngayon lang nagkaroon ng oras ang dalawa na magkasama na walang istorbo," nakangising wika nito at pinisil ang ilong ng karga niyang si Stefan.

"Take off your hands on me," singhal niya rito at pumiksi.

"Bakit ba ang aburido mo ngayon, are you in your red days?" kunot-noong tanong nito sa kanya.

"Shut up," singhal niya ulit dito at ibinaling ang tingin sa mag-asawang Braun at Briella na abala naman sa anak ng mga ito. "Parang ang bilis lang ng panahon, 'no? Sino'ng mag-aakala na may mga tali na kayo," nakangising pang-aasar niya sa mag-asawa.

"So, ang ibig sabihin niyon may isusunod na namang ikasal?" nakataas ang kilay na tanong ni Leon.

Tumikhim si Travis. "Gusto ko na sana kaya lang hindi pa kami handa pareho ni Kimineah," nakangising sabi nito. "Kaya pass na muna."

"Sino bang nakasalo ng bulaklak noong kasal nina Chelsey?" tanong ni Jeydon na karga naman si Ivan.

Hindi niya napigilang mapatawa sa sinabi nito. "Nakalimutan mo na bang ikaw iyon?"

Natigilan si Jeydon at biglang nagsalubong ang kilay nang tila maalala nito ang nangyari noon. "No, hindi pa ako ikakasal," sabi nitong umiiling. "How about you?" tanong nito sa kanya.

Mula sa gilid ng mga mata niya ay nakita niyang tila nasaktan si Nami sa sinabi ni Jeydon, lihim siyang napasinghal at tumingin kina Briella at Braun.

"What about me?" painosenteng tanong niya. "Bakit hindi natin tanungin si Nami?" nakangising wika niya at tiningnan ang dalaga na parang binuhusan ng suka sa sobrang putla ng mukla.

"Are you going to be married Nami?" salubong ang kilay na tanong ni Braun sa kapatid.

"H-Ha? H-Hindi, ah. Wala nga akong nobyo, paano ako magpapakasal?" utal na sagot nito.

"Paano kung may mag-aya sa'yong magpakasal?" nakangising tanong niya rito. Parang gusto na niyang isambulat sa mukha ni Jeydon na ito ang pinatatamaan niya dahil wala man lang kahit na rekasyon na makikita sa mukha nito.

Sunod-sunod na napailing naman si Nami. "Wala akong nobyo kaya imposible iyon," sagot nito.

"Stop teasing my sister, Ortega," pagtatanggol ni Braun sa kapatid nito.

Sininghalan niya ito ng tingin at hindi na nagsalita.

"Tita Janice, puwede po bang makipaglaro muna ako kay Baby Stefan?" tanong ng tatlong taong gulang na si Kisha. Nginitian niya ang bata at inilapag sa carpeted na sahig si Stefan na tuwang-tuwa na nakikipaglaro sa Ate Kisha nito.

Ilang sandali pa ay sumulpot ang mag-asawa at kahit hindi magsabi ang mga ito ay alam na nila kung ano ang ginawa.

"Sa wakas, tapos na ba?" nakangising tanong ni Travis sa Kuya niya.

Sinamaan lang nito ng tingin ang kaibigan nila, siya naman ay tumayo na pagkatapos halikan ang pamangkin.

"Mauuna na akong umalis sa inyo, maaga ang meeting ko bukas at VVIP iyon. Ayokong mabigyan ng masamang impresyon, sayang ang i-invest niyang milyones sa kompanya," sabi niya at humakbang palapit kay Chelsey.

"Salamat sa pagdalo," nakangiting saad ni Chelsey at niyakap siya. "Mag-iingat ka sa pag-uwi."

Natawa siya sa huling sinabi nito ngunit hindi na nagsalita pa. Nagpaalam na rin siya sa iba pa nilang mga kaibigan.

"Wanna me come with you?" dinig niyang tanong ni Travis sa kanya.

"F*ck off, I can go home alone," singhal niya rito at tuloy-tuloy na lumabas ng bahay ng kanyang Kuya.

Pagsakay niya ng sasakyan ay tiningnan niya ang kanyang cellphone na sinadya niyang iwan sa loob ng kanyang kotse, ayaw niyang maistorbo ng kahit na sinu-sino ang kasiyahang iyon dahil iyon pa lang ang kauna-unahang pagtitipon nilang magkakaibigan na walang inaalalang kahit na anong problema.

Isang taon na ang nakalipas simula nang mahuli nila si Jared, siya ang nagparusa sa lalaki at dahil sa tindi ng galit niya rito ay muntik na niya itong mapatay. Malaki ang nawalang pera sa kompanya ng kanyang ama at nalaman pa niya na ibinenta ng Mommy niya ang share nito sa isa sa mga gahaman na stockholder ng kompanya ng daddy niya. At sa ginawa pa niyang pag-iimbestiga ay nakipagsiping ang kanyang mommy sa hayop na iyon kapalit ng malaking halaga.

Tuluyang nawala ang pag-asa sa kanyang dibdib na magkakabalikan pa ang mga magulang niya. Hindi niya akalain na darating ang panahon na mangyayari iyon dahil simula nang bata pa siya ay iyon lang ang pinakahiniling niyang mangyari at matupad. Ngunit gano'n nga siguro kapag ang tadhana na ang nagbiro—kahit anong hawak mo sa pag-asang makamit iyon, bibitaw ka rin.

****

Pagdating niya sa Penthouse niya ay kaagad siyang nagbabad sa bathtub para tanggalin ang stress sa buo niyang katawan. Nagdala siya ng isang bote ng red wine at isang wine glass bago lumusong sa bathtub. Inilubog niya ang buong katawan niya hanggang sa may balikat at sumandal, binuksan niya ang bluetooth stereo niya at nagpatugtog ng malamyos na tugtugin para mas lalo siyang ma-relax.

Bukas pagpasok niya sa kompanya niya ay magkikita na naman sila ni Matteo at nakatitiyak siyang mangungulit na naman ito. Iniisip pa lang niya ay sumasakit na ang kanyang ulo, hindi niya mawari kung bakit pinagpipilitan nito ang sarili sa kanya gayong tiyak naman siyang maraming nagkakandarapa dito.

Is that okay with you?

Natigilan siya sa isinigaw ng kanyang isip, nababaliw na ba siya? Mabilis niyang iwinaksi iyon sa kanyang isipan, kailanman ay hindi niya puwedeng patulan ang kahit na sinong nagta-trabaho sa kompanya niya.

Tumunog ang kanyang cellphone at nang makita niya ang pangalan nang tumatawag ay hindi niya mapigilang magulat. It was Matteo, alam kaya nito na ito ang iniisip niya sa mga oras na iyon.

Huminga muna siya ng malalim bago sagutin ang tawag nito.

"Hello?" aniya at nagsalin ng alak sa kopita.

"Are you at home?" tanong nito sa kanya.

"Bakit?" kunot-noong tanong niya.

"I'm here in front of your door," sagot nito.

"What?" Nagsalubong ang kilay niya sa sinabi nito. "What do you want, Matteo?" tanong niya sa kabilang linya.

"It's been a month, Janice. I want an answer," seryosong wika nito sa kanya.

Literal na nalaglag ang panga niya sa sinabi nito, hindi niya akalain na maaalala pa nito ang bagay na iyon. One month ago, may nangyari sa kanila at nagkaroon sila ng bet na hindi naman niya sinang-ayunan, ang buong akala niya ay nakalimutan na nito iyon dahil pagkatapos niyon ay hindi na siya nito ginulo pa.

Paminsan-minsan itong nangungulit at inaaya siyang lumabas o 'di naman kaya ay ihatid siya ngunit lahat ng iyon ay tinanggihan niya—hindi dahil sa wala siyang gusto dito kundi para maiwasan ang mga isyu na puwedeng kumalat. May pangako siyang binitiwan sa harap ng maraming media na kailanman ay hindiniya hahaluan ng kahit na anong kalokohan ang namamagitan sa kanya at lahat ng mga taong makakatrabaho niya.

"W-What the hell are you talking?" singhal niya rito. Humigpit ang hawak niya sa kanyang cellphone at nagsalubong ang mga kilay na muling nagsalita. "I already told you the answer, Matteo. I don't—"

"Open the door and say it to my face," mabilis na putol nito sa sinasabi niya.

Nakagat niya ang kanyang ibabang labi at tila naumid ang dila. Hindi niya puwedeng papasukin ito dahil sa pangambang baka may gawin na naman ito at nakatitiyak siyang tatraydurin na naman siya ng sarili niyang katawan sa oras na makalapit ito sa kanya.

Huminga siya ng malalim. "I'm not in the house, right now."

"Where are you?" tanong nito.

"I can't tell you, I'm sorry," sagot niya. "Matteo, hindi puwede ang gusto mong mangyari. You're one of my models, and I have sworn that I won't have any relationship with my models."

"To hell with that damn promise, Janice. I don't give a f*cking care about that. Mas importante sa akin ang kasunduan nating dalawa, you lose and you'll be my wife."

Ipinikit niya ng mariin ang mga mata niya, kanina lang ay pinag-uusapan pa nila ng mga kaibigan niya kung sino ang susunod na ikakasal. What a f*cking coincidence! Am I the f*cking next bride?1

"Matteo, please, tigilan mo na 'to. Hindi ako magpapakasal sa'yo at hindi isang laro ang pagpili ng taong aasawahin!" mariin at pagalit na singhal niya rito.

"Open the door," sabi nito na tila hindi nakikinig sa sinasabi niya.

Marahas siyang napabuga ng hangin. "Wala ako sa bahay at hindi ako uuwi ngayon."

"I'll wait here until you come home," sabi nito at bigla na lang nawala sa kabilang linya.

Malakas siyang napasinghal at tinungga ang laman ng kopita niya. Sa buong buhay niya ay ngayon lang siya nakaranas na may isang taong mangungulit sa kanya at ang matindi ay gusto siyang mapangasawa.

"Ano'ng tingin niya sa pag-aasawa? F*ck!" galit na singhal niya at muling inilublob ang katawan sa tubig.

Isinandal niya ang katawan niya sa bathtub at ipinikit ang mga mata ngunit wala pa mang isang segundo ay iminulat niya iyon at napatingin sa may pinto ng banyo.

Paano kung totoohanin ng lalaking iyon ang sinabing maghihintay sa kanya?

"Damn it, Matteo, bakit ba pinapahirapan mo ako? Ayoko ng isang pagsasamang walang pagmamahal na kasama!"