WELL-OFF

CHAPTER 70

Pumasok kami sa Forbes Park. Alam kong doon nakatira ang mga may kaya at mayayamang pulitiko, artista at negosyante ng bansa. Para akong nakasok sa isang napakayamang bansa na wala kang makitang nagdarahop. Doon ko nakita ang buhay na malayong-malayo sa kinagisnan kong buhay. Lahat ng bahay ay parang mansiyon. At alam ko na kung itabi ako kay Jake ay isa lang akong langgam na umaakyat sa isang puno ng matibay na nara.

Hindi ako nakapagsalita at para akong natatameme sa nakikita ko lalo na ng pumasok kami sa pangalawang magarang bahay na napasok ko sa buong buhay ko. Una ay ang kina Jinx. Napakalaki nito, may sariling swimming pool, nakahilera sa parking lot nila ang mga mamahaling sasakyan, may dalawa silang chopper at nang pinapasok ako ay para akong nalula sa aking nakita sa mga mamahaling appliances at display sa loob ng bahay ngunit hindi na kami pumasok pa sa pinakasalas doon lang kami sa beranda ng bahay ngunit nasisilip naman ang magara at eleganteng loob ng bahay.

“