Chapter 19

Pilit na inaalis ni Arielle ang unan na nakatakip sa mukha niya ngunit kahit anong gawin niya ay hindi niya ito magawanga alisin. Masyadong malakas ang mga kamay ng taong tumatakip sa mukha niya kumpara sa kanyang lakas. Nang halos hindi na siya makahinga ay nagpanic na siya ng labis ngunit hindi pa rin siya nawawalan ng pag-asa. Binigyan siya ng Diyos ng pangalawang buhay kaya hindi niya iyon sasayangin

Inunat niya ang kanyang mga kamay at naghanap ng bagay na malapit sa kanya na maaari niyang magamit laban sa taong nagtatangkang pumatay sa kanya. Naalala niyang malapit lang pala sa ulunan niya ang maliit na mesa na kinalalagyan ng kanyang lampshade na ang holder ay gawa sa bakal. Pilit niya itong inabot ng kanyang kamay at nang sa wakas ay nahawakan niya ang lampshade ay malakas niyang inihataw ang holder na bakal sa taong tumatakip sa kanyang mukha.

Dahil hindi niya nakikita ang ulo nito ay kahit saang bahagi ng katawan na lang niya ito pinalo. Ang mahalaga ay matamaan niya ito at