Chapter 44

Napansin ni Klaire na hindi ginalaw ng bunso na anak ang pagkain nito, kaya mas lalo siyang nakaramdam na parang may mali talaga sa kinikilos ni Callie. Hindi niya maiwasang mag-alala sa iba't ibang problema ng kanyang anak simula nang magbalik sila sa Pilipinas, para bang hindi nakakabuti sa bata ang environment nila.

Nang matapos ang hapunan, umalis ang dalawang bata para maglaro ng mga Lego. Sinamantala ni Klaire ang pagkakataon na tanungin si Feliz, "May kilala ka bang mas mahusay na psychiatrist dito sa Manila? Gusto ko sanang dalhin si Baby Callie para mapa-check up siya.”

Medyo nalilitong nagtanong si Feliz, "Why? Nag-aalala ka ba na may problema sa pag-iisip si Callie?"

"Hindi naman dapat pero..." Sumimangot si Klaire at tumingin sa dalawang maliliit na bata na naglalaro hindi kalayuan sa kanila, "Simula nang bumalik kami rito, parang naapektuhan ang mentalidad ng anak ko, Feliz. Ang daming nangyayari sa kaniya na hindi ko maintindihan. Nag-aalala ako na baka makaapekto to sa