016 - Wedding Dress

Halos mahigit isang oras na naghintay si Callie kasama ang pamilya sa sala sa pagbalik ng kaniyang Daddy at ni Vicenzo. Kung anuman ang pinag-uusapan ng mga ito ay wala siyang ideya ngunit sa bawat minutong nalipas ay lumalakas ang kaba sa dibdib niya.

Paano kung talagang hindi siya payagan ng Daddy niya? Hindi pwedeng masira ang plano nila ni Vincenzo at ayaw niya ring patalsikan sa pamilya nito ang musmos na si Sammy. Masyado pang bata ito upang maramdaman ang sakit ng pagkaabandona.

"Bakit ang tagal nila sa loob? Ano ba si Daddy, nagho-homily ba siya sa study kasama ang fiancé ko?" medyo inis niyang wika habang pabalik-balik ang lakad sa sala at sa pinto ng study.

Natawa naman sina Clayton at Nico na ngayo'y nasa balcony at parehong umiinom ng whiskey.

"Fiancé? Feel na feel?" pilyong biro ni Clayton at nakipag-first bump kay Nico.

Inirapan niya ang dalawang lalaki at saka lumapit muli sa pinto ng study. Dinikit niya ang tainga sa pinto ngunit wala talaga siyang marinig dahil p