CHAPTER 88: Buhay Preso

“Hoy! Gumising ka na diyan! Gusto namin makarinig ng balita!” malakas na sigaw ng isang babaeng halos nasa kuwarenta na ang edad.

Marami itong tattoo sa katawan. Malaki at malakas pa ito sa kalabaw kaya kinatatakutan din ng iilang preso. Ito si Grasya, ang kanang kamay ni Madame Bolta.

“Ano ba?! Sinabing tumayo ka na, eh!” sigaw muli ni Grasya.

Hindi magawang makagalaw ni Athena dahil sa sakit na nararamdaman ng kaniyang buong katawan. Simula nang makulong si Athena ay walang araw na hindi siya kinawawa ng mga kasama niyang preso. Nariyan ang pasasayawin siya, pakakantahin, gagawing news TV anchor, at kung minsan ay comedian.

Wala siyang magawa dahil dito sa loob ng kulungan ay wala siyang kapangyarihan. Walang tutulong sa kaniya. Wala ang kaniyang yaman. Sa bawat araw na lumilipas ay palala ng palala ang buhay niya rito. At imbes na pagsisihan niya lahat ng kaniyang kasalanan ay sinisisi niya si Melody at Apollo sa nangyayari sa buhay niya ngayon.

Dahan-dahang tumayo si Athena kahit