CHAPTER 77: Athena Is Pregnant

Matapos iligtas si Tanny ng naka-mask na lalaki ay dinala siya nito sa hospital. Buong gabi siyang tiningnan at nagpahinga. Siya na rin ang nagpumilit pa na lumabas kahit alam niyang wala siyang pupuntahan.

Nagulat na lamang siya nang makita si Apollo na naghihintay sa labas ng kaniyang hospital room. Nakakaramdam siya ng takot at kaba, dahil sa ginawa niyang kasamaan noon. Hindi niya alam kung ano ang tunay na pakay nito, ngunit nang sabihin nito na dahil kay Melody kaya siya niligtas ay bigla na lamang siyang napaluha at lumuhod sa harap nito saka nanghingi ng kapatawaran.

Napabalik sa kasalukuyan si Tanny nang hawakan ni Melody ang kaniyang kamay.

“H–Halika na, kumain na tayo.” pag-aya nito sa kaniya.

Habang papalapit sa hapag-kainan ay nakaramdam siya ng hiya at takot nang makita naman niya si Athena. Hindi niya malaman kung pamilyar ba ang taong ito sa kaniya. Para bang nakita na niya ito noon, hindi lang niya matiyak kung saan at kung kailan.

Ang dalawa namang kambal nang makit