CHAPTER 74: What Happened To Her?

Nang matapos mailagay sa kaniya-kaniyang paper bag ang mga naipamili nila Melody ay kaagad naman itong binitbit ng mga tauhan na kasama nila. Naayos naman din niya ang issue sa mga sales lady, maliban nga lang sa manager dahil makailang ulit man itong mag-sorry, hindi pa rin maganda na sariling tauhan nito ang ibato kahit pa siya dapat ang makausap niya. She hates that, at isa pa ito rin dapat ang magiging hubog at magdidisplina ng mga sales lady ngunit mas ito pa ang sablay ang ugali.

Napatingin naman si Melody sa kaniyang cellphone nang marinig niya itong mag-ring. Ang akala niya ay si Apollo ang tumatawag, pero kaagad na nagkunot ang noo niya nang makitang unregistered number ito. At tila ba pamilyar sa kaniya ang number.

“Ate Melody, saan na po tayo sunod na pupunta?” tanong ni Grace habang nakatingin kay Melody. Nang hindi ito sumagot ay bahagya itong lumapit at dumungaw din sa cellphone nito. “Sino po ’yan, Ate Melody? Bakit ayaw mo pong sagutin?”

Doon lamang napansin ni Melody