Chapter 4-Komprontasyon

Ipadadala kita sa ibang bansa hindi dahil sa itinatakwil kita, apo. Gusto ko lamang malayo ka sa kahihiyan at magbagong buhay na rin."

Mapait na ngiti ang sumilay sa labi ni Shaina habang mataman na pinagmamasdan ang abuela. Kahit ano ang sabihin nito ay masama pa rin ang kaniyang loob. Kahit ang ama ay ayaw niyang kausapin.

Napabuntonghininga si Cristy nang walang sagot na nakuha mula sa apo. "Balang araw ay maintindihan mo rin ako. Ayaw kong matulad ka sa buhay ng iyong ama. Dahil sa pagiging konsintidor ko noon at ibinibigay ang lahat ng gusto niya, ito na ang kaniyang naging buhay."

Kahit papaano ay nabawasan ang sama ng loob ni Shaina sa matanda. Pero ayaw pa rin niyang magsalita. Hinayaan niya lang itong maglabas ng saloobin at magpaliwanag. Ang akala niya ay nagkaroon ito ng favoritism sa mga anak noon pa man, kaya nagkakaganoon ang ama. Kahit ganito ang matanda ay mahal niya ito. Bata palang kasi siya nang mawala ang ina at ito na ang tumatayo niyang ina.

"Naka book na ang iyong ticket para sa sunod na araw. Huwag ka na ring pumasok sa kompanya o lumabas hanggang sa araw ng iyong pag-alis."

Malungkot na tumanaw si Shaina sa labas ng bintana ng kaniyang silid. Sigurista ang matanda at talagang wala nang tiwala sa kaniya. Iniisip nitong baka tumakas siya at puntahan si Daisy.

"Kung ayaw mong lumabas para sa hapunan mamaya, padalhan na lang kita dito sa katulong ng pagkain," pagpatuloy na ani Cristy kahit ayaw sumagot ng apo.

Nanatiling nakatalikod siya sa abuela. Ramdam niyang tumayo na ang matanda at dahan-dahang humakbang palabas ng kaniyang silid. Nang marinig ang pagbukas at sara ng pintuan ay saka lang siya humarap. Dali-dali niyang kinuha ang cellphone at tinawagan ang kaibigan.

"Gurl, ano na ang nangyari sa iyo?" nag-aalalang tanong agad ni Daisy pagkasagot sa tawag ni Shaina.

Walang inilihim si Shaina sa kaibigan. Maging ang pag-alis ng bansa ay sinabi niya rito.

"Amg bruhang iyon! Ang sama talaga ng ugali nilang magkapatid!" inis na naibulalas ni Daisy.

"Naniniwala ako sa karma," ani Shaina sa mahinang tinig lamang

"Tama iyan! Kakarmahin din sila at matauhan si Rex na maling tao ang nilandi niya!"

"Baka hindi na tayo magkita pang muli." Nalungkot si Shaina at mapawalay sa mga taong importante sa kaniyang buhay.

May pinsan ang abuela sa Italy at doon siya pansamantalang tutuloy hanggang sa makahanap siya ng mauupahan. Tutulungan siya financial ng matanda hanggang sa makatayo sa sariling mga paa. May restaurant ang kamag-anak nila roon at puwede siyang mamasukan.

Maging si Daisy, ay nalungkot din. Nang maalala ang tungkol sa sinabi ng kaibigan sa hotel ay inungkat niya iyon.

Nakagat ni Shaina ang ibabang labi pagkaalala sa nakatalik kagabi. Sa totoo lang ay parang ramdam pa niya hanggang ngayon ang mapangparusang halik ng lalaki. Maganda ang pangangatawan nito kahit hindi niya nakita. Ang lapad din ng balikat at may abs nang makapa niya iyon. Ang tinig nitong baritone ay nakaka-wet pakinggan. Pero sa paraan ng pag-angkin nito sa kaniya ay mukhang hindi ito marunong maawa kahit sa babae.

Biglang kinilabutan si Shaina sa isiping maaring isang mafia, adik o masamang tao ang unang nakaangkin sa kaniyang pagkababae. Hindi niya naisip iyon bago pa nagpasyang tulungan ito. Dapat lang talaga na hindi siya nakilala ng lalaki at ayaw niya ring makilala. Nang mainip sa pakipag-usap sa sarili ay nagpasya siyang lumabas ng silid. Bago makababa mula sa ikalawang palapag ay madaanan niya ang silid ni Lovely.

"Ang tanga mo! Bakit hinayaan mong mahuli kayo sa akto ng babaeng iyon?"

Nangunot ang noo ni Shaina nang marinig ang galit na boses ni Matilda, ang ina ng mga pinsan. Lumapit pa siya sa pintuang bahagyang nakaawang kaya naririnig ang pag-uusap ng dalawa.

"Ano ang gusto mong gawin ko? Ang hayaang maikasal muna sila tulad sa plano mo?"

Nagsalubong na ang mga kilay ni Shaina at siguradong siya ang pinag-uusapan ng dalawa.

"Ma, hindi ko po kaya!" pagpapatuloy na ani Lovely.

"Huwag kang tanga! Gamitin mo ang utak mo para mapunta na sa atin ang lahat ng share sa kompanya! Isipin mo, kapag naikasal sila ni Rex ay makukuha niya ang ten percent share na nasa pangalan ng babaeng iyon."

Lapat ang mga labi at kuyom ang mga kamao upang pigilan ang sariling masugod ang tiyahin. Gusto ni Shaina sumbatan ang asawa ng tiyuhin ngunit nagpigil siya. Ang swapang talaga nito at maging ang mana niya ay gusto nitong makuha. Kaya pala gusto ni Rex na sa ibang bansa sila ikakasal. Kung may hawak lang siya ngayon ay tiyak na durog na dahil sa higpit nang pagkakuyom ng mga palad.

"Natatakot po kasi ako na baka magbago ang isip ni Rex at hindi na niya hiwalayan si Shaina. Isa pa ay delayed ako ng dala—"

Rinig ni Shaina ang pagsampal ni Matilda sa pisngi ng anak nito kaya naputol ang pagsasalita ni Lovely. Sa halip na maawa sa pinsan ay natuwa pa siya. Bagay lang dito ang masaktan ng sariling ina. Umalis na siya mula sa pagkasandal sa dingding na malapit sa pintuan. Sinadya pa niyang bigatan ang bawat hakbang upang ipaalam sa dalawa na may ibang tao sa labas ng silid.

"Kanina ka pa ba riyan?"

Nilingon ni Shaina ang tiyahin at hindi nag-abalang itago ang galit sa kaniyang mga mata. Nakita niya si Lovely sa likod nito at sapo ang sariling mukha. "Masakit ba?" nang-iinsulto niyang tanong sa pinsan.

Nanlaki ang mga mata ni Matilda at nilingon ang anak.

"Mas masakit kapag nasampal ng katotohanan. Well, hindi masama ang humangad. Pero ang maging gahaman ay hindi nakabubuti. Salamat at hindi mo sinunod ang plano ng iyong ina. Salamat at pinaalam mo agad ang kataksilan ng walang kuwenta kong fiancee. Ingat ka lang, ang manloloko ay matalino sa paggawa ng hindi maganda sa kapwa. Hindi ko nga lang alam kung tatalab ba iyan sa parehong cheater."

Parehong napipilan ang mag-ina at hindi alam kung ano ang sasabihin.

Napangisi si Shaina at nang-uuyam ang tinging ipinukol sa dalawa. "Paano ba iyan? Sayang ang ten percent na nasa pangalan ko. At baka sa pagbabalik ko ay dumoble ang porsyentong mapunta sa akin."

"Bitch! she hissed at tinapunan ng nakamamatay na tingin si Shaina. "So ano ngayon kung narinig mo ang lahat? Sa tingin mo ay may maniniwala kapag nagsalita ka?" nanghahamon na tanong ni Matilda.

Kalma lang si Shaina at inayos ang pagkasabit ng buhok sa tainga, "hindi naman po ako kasing sama ng ugali ninyo. Naniniwala akong may karma. Aalis ako ngayon ng tahimik sa pamamahay na ito, pero sa aking pagbabalik ay ibabalik ko sa inyo ang kasamaan ng ugali ninyo!"

Hindi agad nakahuma si Matilda at galit na sinundan ng tingin ang pagtalikod ni Shaina. Hindi siya natatakot sa banta nito. Pero nainis siya na animo'y may maipagyabang para magsalita ng ganoon.

"Mommy, ano na po ang gagawin natin? Baka magsumbong siya kay Lola."

Inis na nilingon ni Matilda ang anak, "bakit kasi hindi mo nai-lock ang pintuan ng silid mo?"

"Kasalanan ko na naman? Sino ba ang pumasok sa aking silid para lang manirmon?" napipikon na rin Lovely sa ina.

Tikom ang bibig at impit na napahiyaw si Matilda dahil sa inis. Kasabay ng pagtaas ng dalawang palad at ikinuyom iyon, at pinanlisikan ng mga mata ang anak. Nagtitimpi siyang saktan itong muli at nagawa pa siyang sagutin at sisihin.

Tinalikuran na ni Lovely ang ina upang hindi na humaba pa ang kanilang pagtatalo.

...

Sa rest house, mainit ang ulo na hinarap ni Travis ang kaniyang personal assistant. Wala pa siyang tulog at doon muna siya tumuloy upang makaiwas sa kaniyang fiancee.

"Mr. Villanova, pina-double check ko na po ang surveillance camera ngunit wala po talagang footage na nakuha kagabi upang makilala ang babaeng pumasok sa iyong silid." Paliwanag muli ni Teddy sa binata na mukhang mangangain na ng buhay kung maningin.

"Bullshit! Kung sino man ang may kagagawan nito ay walang kapatawaran ang kaniyang ginawa!"

Napaigtad si Teddy mula sa kinatayuan nang punitin ng binata ang folder na inabot niya dito. Hindi pa iyon nabasa kung sino-sino ang nasa list kaya tiyak siya na naman itong mahirapan.

"How about, Cheska?" naalala niyang itanong ang kaniyang fiancee.

"Kanina pa tumatawag ang kaniyang ina at hinahanap po kayo, Sir."

Marahas na napabuga ng hangin sa bibig si Travis. Lalo lamang sumakit ang kaniyang ulo ngayon dahil nagdrama na rin si Cheska. Naabutan siya nito kagabi sa silid na inuukupa. Mariing ipinikit ang mga mata at inalala ang nangyari kagabi.

"Ano ang ginagawa mo dito?" gulat na tanong ni Travis sa nobya nang paglabas niya ng banyo ay ito ang nakita. Inilibot niya ang paningin sa paligid, bukas na ang ilaw kaya malinaw na nakikita ang hitsura ng silid. Ang gulo at may mantsa pa ng dugo ang kobre kama.

"Kung ganoon ay hindi ako nagkamali kanina ng inakala," kausap ni Travis sa sarili habang nagkatingin sa kama.

"What the hell, Travis? Nadismaya ka ba at ako ang nakita mo sa halip ang babaeng dinala mo rito?" galit na tanong ni Cheska sa nobyo habang itinataas ang isang cycling short na nakita sa sahig.

Naihilamos ni Travis ang isang malapad na palad sa sariling mukha nang makita ang hawak ni Cheska. Sigurado siyang sa babaeng nakaniig ang damit na iyon. Pero nasaan na ang babae?

Tuluyan nang pumatak ang mga luhang kanina pa pinipigilan ni Cheska na kumawala. Ang pananahimik ni Travis ay tanda lamang na totoong may babaeng dinala doon. Mahal niya ito, at kahit alam niyang hindi masuklian ng binata ang kaniyang damdamin ay masaya pa rin nang alukin siya nito ng kasal.

"Anak ang kailangan mo 'di ba? Kaya ko iyong ibigay kapag kasal na tayo. Pero bakit kailangan mo pa ng ibang babae?"

Lalo lamang nairita si Travis sa pag-iyak ni Cheska. Naintindihan niya kung sumama ang loob nito sa maling iniisip sa nangyari. Pero wala siyang panahon magpaliwanag dito. Mabilis niyang dinampot ang cellphone at tinawagan ang personal assistant. Inutusan itong ipahanda ang chopper para sa kaniya. Sa rooftop mismo ng hotel ay maaring lumanding ang kaniyang chopper.

"Travis, hindi mo puwedeng gawin ito sa akin! Nagwala na si Cheska nang makumpirmang walang balak magpaliwanag sa kaniya ang binata.

"I'm sorry, Cheska, pero ipagliban na muna natin ang ating kasal dahil may importante akong asikasuhin."

Awang ang bibig na pinakatitigan ni Cheska ang nobyo. Para itong nakipag-usap lang sa isa nitong kasosyo. Na para bang wala siyang halaga dito bilang nobya. Hindi manlang siya tinatanong or kinukunsidira ang kaniyang damdamin.