Chapter Sixty Eight

                    GABI na ng magpasya kami'ng lisanin ang lugar na 'yon. Hinatid ko na rin si Beberly sa bahay nila. Kaya't alas nuwebe na ng makauwi ako sa aking condo. 

"Where have you been?" Nagulat ako ng pagbukas ko ng pintuan ay biglang bumungad saakin ang seryosong mukha ni Juliet. Ilang beses pa akong napakurap para lang masigurong siya nga talaga ang sumalubong saakin.

"Bumalik ka na?" bulalas ko. At sa sobrang pagkagulat ko ay hindi sinasadyang nayakap ko siya. "Oh, i'm sorry." Ako rin mismo ang unang kumalas at napayuko na lang ako dulot ng pagkapahiya.

"Tsk...hindi mo pa sinasagot ang tanong ko." Nagulat pa ako sa ginawa niyang pag-irap saakin.

"Uhm...ga-galing ako sa puntod ni Thana. Dinalaw ko siya."

"Ah okay. Halika na nga! Nakahain na ang pagkain eh." Halos kaladkarin pa ako nito papunta sa hapag kainan.

"Sandali, kailangan ko muna'ng hubarin ang aking sapatos."