Kabanata 40

SA PAGDILAT nang mga mata ni Clea ay kaniyang napagtanto na isang buwan na pala ang nakalilipas magmula noong ipinatapon siya ng kaniyang sariling mga magulang sa isang probinsya na tinitirhan ng kaniyang tiyahin, ang kapatid ng kaniyang ina.

Hindi maiwasang maglakbay ng kaniyang isipan. Kumusta na kaya ang mga taong naiwan niya sa lugar na kaniyang pinagmulan? Kumusta na kaya ang kaniyang ex-fiancé? Hindi niya pa rin malubos maisip kung totoo ba ang sinabi ni Arthur sa kaniya tungkol kay Sampson. Sana'y balang araw ay mapapatawad siya nito sa kaniyang nagawang pagkakamali. Hindi niya naman sana iyon sinasadya ngunit ang nakakapagtaka'y walang mababahid sa kaniya na kahit katiting na pagsisisi.

Napahinto si Clea sa kaniyang malalim na pag-iisip nang may tumikhim mula sa kaniyang likuran. Kasalukuyan siyang nakaupo sa garden ng bahay ng kaniyang tiyahin. Wala na siyang magawa pa sa buhay dahil wala naman siyang ibang bagay na maaaring gawin. Wala siyang trabaho, at hindi niya alam k