Kabanata 42

"CLEMENTINE! Come back here!"

Hindi nakinig si Clea at patuloy lamang ito sa pagtakbo palayo ng sasakyan ni Lawson. Habang si Lawson nama'y namimilipit sa sakit dahil naisahan siya ni Clea at sinipa nito ang hinaharap niya. Hindi naman gano'n kalakas ang pagsipang ginawa ng dalaga ngunit sapat na upang masaktan siya.

"Clementine!"

Napalinga-linga si Clea sa paligid at naghahanap ng pagtataguan. Hindi niya alam kung saang parte ng probinsya siya dinala ng binata dahil magandang karagatan agad ang bumungad sa paningin niya nang magising siya mula sa pagpapatulog sa kaniya ni Val kanina.

Napahinto siya sa pagtakbo at napahawak sa magkabilang tuhod niya. Binasa niya ang kaniyang ibabang labi dahil kanina pa iyon natutuyo at pakiramdam niya'y pati ang kaniyang lalamunan ay natutuyo na rin sa pagtakbong ginawa niya. Pinahiran niya ang pawisan niyang noo at suminghap ng hangin sa paligid.

Umayos siya ng tayo nang makakita ng isang bukas na gate sa hindi kalayuan. Lakad-takbo siyang nagtu