CHAPTER 33

"What the hell are you doing here?" asik ko nang makita si Grantt na nakatayo sa harap mismo ng condo unit ko. Tinotoo talaga nito ang sinabi kanina na pupuntahan niya ako.

Sa klase ng suot nito ay mukhang hindi naman ito magtatagal dito. May gig pa siguro ito o kaya ay papunta na sa get together nila.

"Nasabi ko na sa'yo, 'di ba? Hihintayin kita rito. Siguro naman ay hindi stalking ang ginawa ko, 'di ba?"

Napapikit ako saglit para pigilan ang aking sarili na hampasin ito ng shoulder bag ko. Hindi ba talaga nito maintindihan ang salitang ayaw ko siyang makita at makausap?

"Grantt, I need to find my peace and I can't do that with your nags and talk shits, okay?"

Hindi naman agad siya nakapagsalita. Hindi ako direktang nakatingin sa kanya pero mula sa gilid ng aking mga mata ay nakita kong napayuko siya. Isang marahas na buntong-hininga ang aking pinakawalan.

"Mukhang wala na akong magagawa pa para bumalik ka sa akin. Tama nga naman, sinong baliw ang mamahalin ang kapatid ng taong m