CHAPTER 35

"Grantt! Grantt! Anak! Nasaan ang anak ko?! Nasaan?!" Ang boses ni Mommy Gretchen ang siyang nangingibabaw sa labas ng operating room mismo. Pinipigilan siya nina Ate Olga at Daddy Ortize.

Napahigpit ang kapit nina Lou at Judie sa akin. Siguro para pigilan ako sakali mang magpumilit din akong pumasok sa OR. No, hindi ko iyon gagawin dahil alam kong kritikal ang kalagayan ni Grantt at hindi makakatulong kong susugurin namin ang loob ng silid na kinalalagyan niya ngayon.

"A-Ate," untag ko kay Ate Olga. Pare-pareho naman silang napalingon sa akin. Napalunok ako nang magtama ang paningin namin ni Mommy Gret.

"Ikaw! Anong ginawa mo sa anak ko!" singhal nito sa akin at bigla na lang akong sinugod. Hindi naman inaasahan nila Ate Olga ang naging kilos nito kaya hindi na nila ito napigilan pa papalayo sa'kin.

Nahablot nito ang aking buhok. "Ano ba?! Bitiwan niyo po si Yongsann! Hindi niya kasalanan!" singhal naman din ni Judie at pilit na nilalayo nila ako sa ina ni Grantt.

"Aksidente po a