TCC #2 Dustin's Scar

Namamaga ang mga mata ni Celine nang magising siya kinaumagahan. Tinitigan siya ni Shantal habang ngumunguya ng V-Fresh. Magkatabi lang ang kanilang higaan.

"Pang ilang beses mo na ngang na dumped, Ate Celine?" mapang-asar na tanong ni Shantal.

"Pwede ba Shantal, wala ako sa mood makipag-away. Ang aga-aga! Wala ka bang balak gawin sa buhay mo? Bakit ayaw mong maghanap ng trabaho? Sinasayang mo ang pinag-aralan mo sa ginagawa mong 'yan. Mag-iisang taon ka ng tambay ah."

"Akala ko ba ayaw mo ng away?" Tumayo si Shantal sa harapan ni Celine. Nakataas ang kanang kilay niya.

Hindi na pinansin pa ni Celine ang bunsong kapatid at bumaba na sa dining area para kumain ng umagahan. Nasa may hagdan siya ng marinig niyang may kausap sa cellphone ang kaniyang amang si Clenthon. Naka-loud speaker palagi ang cellphone ni Clenthon dahil medyo mahina na ang kaniyang pandinig.

"Sa San Juan Nepomuceno na lang natin sila ipakasal. Maganda ang simbahan na iyon. Iyon eh dinarayo ng mga artista," suggestion ni Clenthon.

Napakunot ang noo ni Celine nang marinig ang sinabi ng kaniyang ama.

"Sige, baysan! Sasabihin ko kay Dustin. Basta ako nang bahala sa lahat ng gastos. Nasabi mo na ba kay Celine na ikakasal na siya next week?" tanong ni Don Alexander sa kabilang linya.

Napapanaog ng mabilis si Celine at nanlalaki ang mga matang humarap sa kaniyang ama. Agad namang pinatay ni Clenthon ang tawag para magpaliwanag sa kaniyang mahal na anak.

"Tatang! Anong hong ibig sabihin noong narinig ko? Ipapakasal niyo ho ako?" galit na tanong ni Celine.

"Anak, mayaman ang mapapangasawa mo. Mabait si Don Alexander at siguro ganoon din ang ugali ng anak niyang si Dustin. Ayaw naming tumanda kang mag-isa kaya ---"

"Kaya ibinugaw niyo po ako? Kaya ipapakasal niyo po ako sa lalaking kailanman ay hindi ko pa nakikita at nakikilala? Ganoon na po ba talaga kayo ka-desperadang ipakasal ako, tatang? Alam niyo po bang kaya ako nape-pressure na magpakasal na kasi araw-araw ko na iyong naririnig sa inyo ni nanay? Alam niyo po ba kung gaano kabigat noon para sa akin? Kung gaano ako nai-stress sa tuwing may nababalitaan akong nagpapakasal na kaeskwela ko?" Hindi na napigilan ni Celine ang pagpatak ng kaniyang mga luha. Halos lahat ng nasa paligid niya ay pinipilit na siyang mag-asawa.

"Is there an age limit? May deadline po ba sa pag-aasawa? Paano po ako magiging masaya sa marriage life ko kung itatali niyo po ako sa kung sino lang? Wala po ba akong kalayaang pumili ng mapapangasawa?" pagdaramdam ni Celine.

"As if naman may mahihila ka kaagad sa daan na papayag na maging asawa mo. 'Yong mga naging jowa mo nga iniwan ka eh. Kung hihintayin mong may lalaking mag-aalok sa iyo mismo ng kasal, baka mamuti 'yang mga mata mo kahihintay ... baka mawalan ng bisa 'yang matres mo at di ka na magka-anak. Dapat nga nagpapasalamat ka pa kina papa eh!"

"SHANTAL! ITIKOM MO 'YANG BIBIG MO! UMAKYAT KA ROON SA SILID MO!" sigaw ni Clenthon sa kaniyang bunsong anak.

Padabog na umakyat sa kaniyang silid si Shantal habang umiiyak naman si Celine dahil sa mga sinabi sa kaniya ng kaniyang kapatid.

"Huwag mo nang pansinin 'yong kapatid mo," sabi ni Lyn habang hinahagod ang likod ni Celine.

"'Nay, ayoko pong magpakasal sa lalaking hindi ko kilala. Mas gugustuhin ko pa pong maging sultera kaysa makasama sa iisang bubong ang isang estranghero. 'Nay, please po pigilan niyo po si tatang. Ayoko po talagang magpakasal sa kung sinong poncio pilato. Hindi pa po ako ganoon ka-desperada," humihikbing saad ni Celine.

Wala ring nagawa si Lyn para pigilan ang plano ni Clenthon para sa kanilang anak.

Humahangos na dumating ang kapitbahay nina Celine dala ang isang balita.

Nang mahanap ng staff ni Dustin ang tahanan nina Clenthon ay agad niyang isinend sa kaniyang amo ang kaniyang lokasyon. Matapos mag-ayos ng sarili ay dali-daling bumaba sa ground floor si Dustin. Tiningnan niya muna kung nandoon ang kaniyang papa at nang makumpirma niyang wala ay agad siyang pumunta sa garahe. Inihahagis pa niya ang susi ng kaniyang Dartz Prombrom na pick-up car. Sumisipol-sipol pa siya nang biglang may nagsalita sa likuran niya. Halos maalis ang kaniyang puso sa kaniyang dibdib dahil sa sobrang pagkagulat.

"Saan ka pupunta? Mambababae ka na naman? Ipapa-alala ko lang sa'yo na tapos na ang pakikipaglaro mo sa mga babae, anak."

"Papa naman! Nakakagulat ka eh! Buti na lang wala akong sakit sa puso!" reklamo ni Dustin.

Inakbayan ni Don Alexander si Dustin at ipinihit ang direksyon nang paglalakad nito patungo sa kaniyang limousine.

"Papa, saan mo ako dadalhin? May pupuntahan akong importante eh," pagmamaktol ni Dustin.

"Pupuntahan natin ang babaeng bibihag sa iyong puso." Tumawa ng malakas si Don Alexander nang makita niya ang reaksyon ng kaniyang nag-iisang anak.

Napakamot sa kaniyang ulo si Dustin. Hindi niya akalain na pareho sila ng nais puntahan ng kaniyang papa. Gusto niya muna sanang masolo ang panganay na anak ng best friend ng kaniyang papa para makausap tungkol sa nalalapit nilang kasal. Sa kasamaang palad ay nabigo siya sa kaniyang plano.

"Papa, dito ka na lang kaya? Ako na lang ang pupunta sa bahay ng best friend mo. Dito ka na. Baka samaan ka pa ng lasa sa daan eh," pamimilit ni Dustin.

"No Dustin. Kailangan ko rin silang makausap. Isa pa, kailangan kitang bantayan. Wala akong tiwala sa kilos at pananalita mo. Ayokong mapahiya sa baysan ko at sa mamanugangin ko," agad na tugon ni Don Alexander.

Nagpumilit pa rin si Dustin pero hindi siya nanalo sa kaniyang papa. Gusto pa rin sana niyang sumakay sa kaniyang pick-up car ngunit gaya nang naunang debate nila, nanalo na naman ang kaniyang papa. Napailing na lang si Dustin habang sakay na siya sa limousine.

Habang abala ang mag-asawang Jones ay may kumatok sa kanilang pintuan. Isang oras na ang nakalipas matapos makaalis nina Dustin at Don Alexander sa kanilang mansyon. Narating na nila ang bahay ng mga Jones.

"May ... naghahanap po sa inyo, Mang Clenthon. Nakasakay po sila sa limousine. Papunta na po sila rito," hingal na sambit ng kapitbahay ng mga Jones.

Dalas-dalas na nagligpit sa sala si Lyn samantalang nagpabili naman ng RC si Clenthon para maipainom sa mga darating na bisita. May ideya na siya kung sino ang paparating.

"Celine, mag-ayos ka," utos ni Clenthon.

Nagmatigas si Celine at lalong pinapanget ang kaniyang hitsura ngunit kahit anong gawin niya ay kita pa rin ang kaniyang angking ganda. Makalipas ang limang minuto ay nakarating na rin sina Don Alexander sa bahay ng Jones Family.

"Baysan!" sigaw ni Don Alexander sabay yakap sa kaniyang best friend na si Clenthon.

"Pagpasensyahan mo na ang bahay namin Alexander. Hindi pa rin ako nakakatama sa lotto eh," pabirong sabi ni Clenthon na siyang ikinahagalpak ng tawa ni Don Alexander.

Napabaling ang tingin ng bilyonaryo kay Celine. Nginitian niya ang dalaga ngunit sinimangutan lang siya nito.

"Siya na ba si Celine? Napakaganda ng panganay mo Clenthon! Manang-mana sa pinagmanahan."

"Ahem," tikhim ni Lyn na katabi ni Celine sa upuan.

Pinaupo nila si Don Alexander at hinayinan ng RC at monay. Mayaman siya pero paborito niya ang monay na tinapay. Halos magkapatid na rin ang turingan nila ni Clenthon. Marami silang alam tungkol sa isa't isa.

Nang pumasok sa pintuan si Dustin ay napanganga sina Clenthon at Lyn. Nagniningning at nakakasilaw ang kaguwapuhan ng binata. Napalunok si Celine pero hindi pa rin niya matatanggap na ipapakasal siya sa lalaking nasa harapan niya kahit pa nag-uumapaw ang kaguwapuhan nito.

"Papa, are you sure we're on the right place? Ang liit ng bahay nila," puna ni Dustin.

Nawala ang mga ngiti sa labi ng mag-asawang Jones. Nagulat si Lyn nang biglang tumayo si Celine at nagsalita.

"Pasensya ka na ha hindi kami kasing YAMAN MO. Maliit lang ang bahay namin pero ang mga taong nakatira rito, maalam RUMESPETO."

Natigilan si Dustin nang makita ang babaeng nagsasalita.

"Teka, you're familiar. Saan nga ba kita nakita?" Nag-isip si Dustin ng maigi. Inirapan siya ni Celine bago siya umupo. "That's it! Ikaw 'yong babae sa restaurant!"

Namula ang mga pisngi ni Celine sa sinabi ng binata.

"I like how you slapped your ex-boyfriend. Are you okay now?" nakangiting tanong ni Dustin.

Iniwan ni Celine ang mga bisita nila sa baba at dalas-dalas na umakyat sa kaniyang silid. Sariwang-sariwa pa rin ang sakit na idinulot ni Clark sa kaniya.

"I'm sorry if I have offended your daughter. It's not my intention," pagpapaumanhin ni Dustin.

Pinag-usapan nila ang tungkol sa kasal nina Celine at Dustin. Nais siguraduhin ni Don Alexander na walang magiging problema sa araw ng kasal ng dalawa. Nagkasundo naman sila sa venue, pagkain, motif at souvenirs. Bigatin rin ang mga bisitang dadalo sa pag-iisang dibdib nina Jones at Saavedra.

Samantala nagsend naman ng sms si Dustin sa numero ni Celine. Mahusay ang tauhan niyang si Peter dahil nakuha agad nito ang contact number ni Celine mula sa employer nito.

"We need to talk after this. Tayong dalawa lang. Importante 'to para sa ikapapayapa ng mga buhay natin. This is a secret. Kahit si papa hindi to alam."

Napatigil sila sa pagpa-plano nang biglang dumating ang kapitbahay nina Lyn. Gaya kanina ay humihingal na naman ito.

"May ... may isa pa po kayong bisita Aling Lyn!" habol sa hiningang sambit ng kanilang kapitbahay.

"Ay sino raw iyon?" bulalas ni Aling Lyn.

"Kendal daw ho."

Nagpanting ang tainga ni Dustin nang marinig niya ang pangalang kailanman ay hinding-hindi niya gugustuhing mapakinggan o masambit. Nilapitan siya agad ng kaniyang amang si Don Alexander para awatin sakali hindi niya mapigilan ang kaniyang emosyon.

Pagpasok ni Kendal ay nakangiti siya at ipina-abot sa kaniyang mga balae ang mga dala niyang groceries, damit at kung anu-ano pa. Natulala si Don Alexander sa kagandahan ng kaniyang dating asawa. Wala pa ring kupas ang kaniyang karisma at alindog.

Bumaba si Shantal para tingnan ang hitsura ng lalaking mapapangasawa ng kaniyang kapatid. Tila naistatwa siya sa kaniyang kinatatayuan nang mapagmasdan ang angking kaguwapuhan ni Dustin. Bumilis bigla ang tibok ng kaniyang puso. Nahulog ang kaniyang loob sa binata sa unang pagkikita nila. Lumapit siya kay Dustin at tinitigan niya ito mula ulo hanggang paa.

Napakagat labi si Shantal at bumulong sa kaniyang Papa Clenthon, "Papa, pwede bang ako na lang ang ipakasal mo sa kaniya? Ayaw naman ni Ate Celine sa kaniya eh. Willing ako, papa."

"Tumigil ka sa kalokohan mong 'yan Shantal. Nakaplano na ang lahat. Uunahan mo pang mag-asawa si Ate Celine mo. Hindi maaari," pabulong na tugon ni Clenthon.

"Anong ginagawa mo rito? Paano mo nalaman ang tungkol dito?" Dustin raised his thick eyebrows while giving his Mom a piercing look.

Binati muna ni Kendal sina Lyn at Clenthon. Sinulyapan niya lang si Don Alexander na ngayon ay hindi na maalis ang tingin sa kaniya.

"I want to congratulate you in person, anak. I'm so happy that you have found the love of your life," Masayang sambit ni Kendal. Yayakapin na sana niya si Dustin nang bigla siyang itinulak nito.

"Fuck off! Stop pretending that you are a good mother. This woman ..." Itinuro niya si Kendal sa pamilyang Jones. "This woman is a slut!" pagpapatuloy ni Dustin.

Nakatikim ng magkasunod na sampal si Dustin buhat sa kaniyang inang si Kendal. Napahawak si Dustin sa namumula niyang pisngi bago nagsalitang muli.

"She left us for another man and she didn't bother to apologize to papa kahit sa akin personally. Look at her! Ang kapal ng mukhang magpakita sa amin matapos niya kaming itapon na parang mga basahan."

Lalong naging interesado si Shantal sa katauhan ni Dustin matapos masaksihan ang away ng mag-ina.

"I'm sorry. Aalis na ako. Alexander alagaan mo ang anak natin. Please make sure that he will grow up as a good man. I beg you," pagmamakaawa ni Kendal kay Don Alexander.

Bago pa man makalabas si Kendal ay nauna nang umalis ng bahay ng pamilyang Jones si Dustin. Hindi nakayanan ng binata na itago ang galit na matagal na niyang kinikimkim sa kaniyang dibdib. Marami pa siyang gustong sabihin at itanong sa kaniyang ina pero mas pinili na lang niyang lumayo. Hindi niya alam kung ano ang maaari niyang gawin sa kaniyang ina kapag nagtagal pa siya sa harapan nito.

Habang naninigarilyo sa labas ng bahay nina Clenthon ay nag-vibrate bigla ang kaniyang cellphone. Napangiti siya nang mabasa niya ang reply ni Celine.

"I'm in. Text me the location and time. Pupuntahan kita."

May bago na namang mapaglalaruan si Dustin Saavedra pero this time, ibang level na dahil hindi lang sila magkasintahan kung hindi ay magiging mag-asawa na.