Chapter 4

Sakay na kami ngayon ng sasakyan ni Gerald. Ano kaya ang tawag ni Jessa sa lalaking ito? Nakakailang naman kung tatawagin ko siyang hon? Babe? Bhe? Sweetheart?

Parang kinilabutan ako! Mas mainam pa sigurong Gerald nalang!

"Gerald, ibaba mo nalang ako sa mabini stree—"

Teka, may mali na naman ba kong nasabi? Bakit ganyan niya ako tingnan?

"Gerald?! At kailan mo pa ko tinawag sa pangalan ko?"

Patay, ano ba kasing tawagan nila, o mas tamang sabihing tawag ng kakambal ko sa kanya? Sa tingin ko ay hindi sweet si Gerald sa kanya dahil mukhang namumuhi pa ito sa kakambal ko.

Marami akong dapat itanong kay mama!

"Bakit, masama na bang tawagin ka sa pangalan mo?" Shete kinakabahan ako.

"Okay lang naman, mas okay nga. Nakakairita kasi kapag tinatawag mo kong sweet, sweety." Seryoso niyang sabi habang nakatutok sa daan.

Sweety? Ganun ka-corni ang kakambal ko?

Shit lahat naman kasi nagiging corni kapag in-love, yun ang sabi nila.

Hindi nalang ako kumibo.

"Anong gagawin mo sa mabini street?"

"May bibisitahin ako." Bigla nalang siyang pumreno ng malakas.

"Ano bang plano mo, Jessa? Bakit bigla-bigla parang ibang tao? Masyado kang maarte para dumalaw sa kahit sinong kamaganak o kaibigan mo! Nung minsang isinama kita sa reunion namin ay asar na asar ka! Nainis ka pa sa dami ng nakipagbeso sayo. Hindi ka ganyan kaya bakit bigla nalang pakiramdam ko ibang tao ka na? Hindi ko mabasa ang tumatakbo sa isip mo!"

Oh shit, nakakahalata na ba siya?

Pero hindi, kailangang matuloy ang kasal ng kapatid ko!

Naninibago na talaga si Gerald ang totoo ay nagdududa na siya. Pero ang mas labis na ipinagtataka niya ay kung bakit ng halikan niya ito ay parang gusto niya ulit matikman ang mga labi nito. Gusto niya itong yakapin, gusto niya itong laging masdan.

Palagi na nga lang ay ninanakawan niya ito ng tingin ng hindi nito alam. Hindi niya alam pero parang biglang bumibilis ang tibok ng puso niya ngayong nasa tabi niya ito, at dahil yun sa halik na pinagsaluhan nila kanina. At yun ang labis na pinagtataka ni Gerald dahil kahit kailan ay hindi niya nagustuhan si Jessa galit pa nga siya rito dahil sa pananamantala sa kanyang lola. Galit din siya dito dahil isa itong klase ng babaeng hindi mo nanaising pakasalan kaya bakit ngayon ay parang umuukit ito ng damdamin sa puso niya? Kung ano man ang plano ng babaeng ito ay mukhang nagtatagumpay siya. Dahil ngayon ay mukhang nakukuha niya ang atensyon niya.

"Gerald, wala akong alam sa sinasabi mo may inutos lang sakin si Mama—"

"Really huh? lsa pa yan, sa sobrang spoiled brat mo walang kahit sinong tao na susundin mo kahit pa ang mama mo! Sanay kang ikaw ang pinagsisilbihan kaya bakit ngayon ay susunod ka sa utos ng kung sino man!" Ang totoo ay kay Mrs. Rivas ako, pupunta. Magpapaalam sana ako na hindi ko muna siya maaalagaan. Napamahal na siya sakin kaya nalulungkot talaga kong hindi ko na muna siya maalagaan.

Pero bakit hindi nasabi sakin ni Mama lahat ng ito?

Masyado kong nabibigla sa ugali ng kapatid ko. Akala ko ba ay walang masyadong alam si Gerald sa kakambal ko, pero bakit ngayon ay lahat nalang ay napuna nito?

Oh dahil sa galit siya kay Jessa ay ginagawa niya ang lahat ng ito umurong ako sa kasal. Pero pasensiya siya, mahal ko ang kapatid ko kahit ngayon ko lang siya nakita. Hindi ako gagawa ng kapalpakan para hindi matuloy ang kasal nila. Kahit ano pang dahilan ng kakambal ko, ang mahalaga ay sasaya siya paggising niya.

"Natigilan ka? Ano ba talagang plano mo?"

"Ano bang sinasabi mo? Nakakababa ba ng pagkatao na hindi ita pinapansin masyado ngayon? Masakit ba sa ego mo na parang wala kang epekto sakin? Nasasaktan ba ang pride mo na balewala ka ngayon sakin? Ikaw na ang nagsabi di ba? Magpapakasal lang tayo! Kasal sa papel!"

Sa inis ko ay naibulalas ko nalang lahat ng yun, natigilan siya, halatang nabigla siya sa mga sinabi ko. Ako man ay nabigla. Shit ako nga pala si Jessa, dapat ay maging sweet ako sa kanya gaya ng sinasabi niya, pero paano?

Naiinis ako sa mga depinisyon niya sa kakambal ko. Agad niyang pinaandar ang sasakyan ng mabilis.

"Teka, magpapakamatay ka ba?! Kung oo ikaw nalang huwag mo kong idamay, lagpas na ako sa pupuntahan ko!"

"Shut up!"

Nakakatakot yung pagkakasabi niya. Nanahimik nalang ako at pumikit. Naramdaman kong tumigil na sasakyan kaya unti-unti akong dumilat. Pero pagdilat ko, he kissed me!

Smack lang pero ang bilis ng tibok ng puso ko!

"Nakapikit ka kasi akala ko gusto mo ng balik?"

At nagwinked pa sakin sabay smile!

Bipolar ba siya? Kanina galit na galit siya tapos ngayon biglang parang naging sweet?

"Bumaba ka na, kakain tayo."

Bumaba ako kahit lutang ako. Hanggang ngayon ang lakas ng tibok ng puso ko. Halatang mamahalin ang restaurant na ito.

"Anong gusto mo?" tanong niya sakin.

Bakit bigla siyang naging sweet? Siya ata ang may binabalak!

"I-Ikaw na ang bahala..."

Dumating yung mga inorder niya at napakarami! May mga seafoods pang kasama! Favorite ko ang seafoods! Bigla tuloy akong natakam.

"Kumain ka na."

Dahil parang nagutom akong bigla ay kumain agad ako, medyo nailang na nga ako dahil nakatingin lang siya sakin.

"Bakit ayaw mo pang kumain?" Hindi na ako nakatiis, sino ba kasi ang gaganahang kumain kung sayo nakatingin?

Labis na ang pagtataka ni Gerald ay allergic si Jessa sa hipon. Pero bakit yun ang kinain niya? The last time na nakakain siya ng hipon ng hindi sinasadya, namantal ang buong katawan nito at na-confine pa sa ospital. Isa lang ang nasa isip ngayon ni Gerald.

May mali kay Jessa at kailangan niya yong malaman. Hindi na niya muna sinita si Jessa dahil kailangan niyang malaman ang totoo.