Chapter Twenty-Eight

Lloyd

Nang sandaling makalabas si Olivia sa kwarto ay tumayo na ako para maligo. Wala naman akong lakad ngayon pero parang gusto kong umalis. Para na rin siguro sa ikatatahimik ng mundo ni Olivia.

Habang naliligo ako’y pinag-iisipan ko na kung saan ako pupunta hanggang sa matapos ako’y iyon pa rin ang laman ng isip ko. Nang makalabas ako sa CR ay tinignan ko na muna kung nandoon ba si Olivia at ang makita kong wala ay nagdire-diretso na ako sa paglabas.

Mabilisan akong namili ng susuotin sa drawer ko. Ilang minuto rin akong nagpabalik-balik sa bawat pinto ng drawer ngunit wala akong mapili. Nakakaloka. Napakarami ko namang damit pero parang nahihirapan pa rin akong mamili kung ano ang bagay na suotin.

Hanggang sa maisipan kong tumingin naman sa drawer ko. Sa wakas ay nakakita rin ako ng masusuot. Dali-dali ko itong sinuot at pagkatapos ay nag-ayos bago magpasiyang bumaba na. Habang pababa ako sa hagdan ay nakasalubong