CHAPTER 33

MARAMING ORAS, ARAW, at linggo ang lumipas. Ganoon pa rin sina Shanelle at mama niya. Nagtatago sa bahay para maprotektahan ang mga sarili. Isang buwan na ang nakalipas pero ang takot ay hindi pa rin umaalis sa buong pagkatao ni Shanelle. Isang buwan na rin ang nakalipas nang malaman niyang buntis siya. Isang buwan na siyang nabubuhay ng hindi masaya. Oo, masaya siya dahil sa anak niya pero iyong mga nangyayari... iyon ang hindi kasiya-siya.

Abala si Shanelle sa pagkutkot ng kaniyang cellphone nang bumukas ang pinto. Binalingan niya iyon at mula roon ay nakita niya si Kevin habang may kasamang isang pamilyar na babae. Hindi siya maaaring magkamali dahil ang babaeng iyon ay ang babaeng nandoon sa bahay ni Levin noong nakaraang buwan. Kung hindi siya nagkakamali ay Cherry Pie ang pangalan nito.

"Hey, Shanelle. Tulala ka!"

Natigilan siya nang biglang magsalita si Kevin na nasa harap na pala niya. Lumunok siya saka binalingan ang binata. "H-hindi. Ano kasi... jowa mo?" Sabay turo niya kay