CHAPTER 16

NANG MAKAPASOK SI Shanelle sa kuwarto, kaagad niyang nilapitan ang kama at tama nga si Elvin, mayroon doong cellphone at sa hinuha niya'y mamahalin iyon. Napabuga na lang siya ng hangin sa bibig bago nilapitan ang cellphone.

Nangingiting kinuha niya iyon saka binuksan. Bigla na lang hindi magkamayaw ang puso niya nang makita ang lock screen display noon. Walang iba kundi si Elvin, naka-display ang katawan nito. Kitang-kita niya ang mga abs at guwapo nitong mukha na nagpalunok sa kaniya. Naiiling niyang in-unlock iyon at bumungad ang mukha ni Elvin habang nakalabas ang dila at kitang-kita niya ang pagnanasa sa mga mata nito.

Napabuntong-hininga na lang siyang tumayo at inilapag ang cellphone sa beside cabinet ng kama. Hindi niya kailangan ng cellphone sa ngayon kaya ano ba ang dahilan para hawakan niya?

Naiiling na lang siyang naglakad palabas ng kuwarto at bumaba sa unang palapag. Saktong paglapat ng mga paa niya sa sahig ay ang pagpasok naman ng matanda—ng cook sa kabahayan habang ma