Kabanata 136

Pumasok si Jenson sa kaniyang silid at agad na kinandado ang pinto.

“Robbie, nakita mo ba ‘yong mga mata?” Halata sa boses ni Jenson ang takot.

Nag-isip nang sandali si Robbie. “‘Yong mga mata ng elepante sa bintana?”

Agad na sumigaw si Jenson, “Layuan mo ‘yon.”

Masunuring pumayag si Robbie. “Sige.” Hindi niya alam kung bakit pinapalayo siya ni Jenson sa mga mata na iyon sa kastilyo. Pakiramdam niya lamang ay magiging mas masaya si Jenson kung iyon ang isasagot niya.

“Jenson, ano’ng meron sa mga mata na ‘yon?”

“Minumulto ‘yon!”

Ngumuso si Robbie. “May multo?” Naalala niya na mayroon siyang narinig na mga ‘di pamilyar na boses noong siya ay nasa loob ng kastilyo at napagtanto. “Ah, kaya pala nakakarinig ako ng mga kakaibang ingay. Ano ba ang isang multo? Nakakatakot ba ‘yon? Hindi ba’t sinasabi ng mga guro na walang multo sa mundong ‘to?”

“Robbie, lumayo ka mula sa kastilyo.”

“Sige, naintindihan ko.”

Biglang nabalisa si Jenson. ‘Ang kakaibang nilalang pala na ‘yon ay nagsimula na ring l