Chapter Two

TUMINGIN si Hebe sa kanyang wrist watch, it's almost 8 in the evening, hindi naman siya nag-aalala kung sobrang gabi man silang umuwi dahil nagpaalam naman siya sa Mama niya at pagkasama niya si Gael ay pakiramdam niya ayos lang ang lahat, pag natutulog siya sa gabi ay napapanaginipan niya ang mga masasayang pangyayari pag magkasama sila, minsan pa nga ay nasa simbahan sila at ikinakasal ngunit alam niyang panaginip lang iyon at sana nga lang ay totoo na lang, pagkasama niya si Gael pakiramdam niya ay sobrang saya niya na may halong dahil alam niyang walang relasyon sa pagitan nilang dalawa maliban sa mag bestfriend at wala ng hihigit pa roon, minsan ay naiinis siya sa kanyang puso dahil nararamdaman niyang naroon ang pag-asam na meron pang pag-asa sa kanilang dalawa, na siguro nga maari ding maging silang dalawa.

    Nakarating sila sa isang disco bar sa Malate, ipinark ni Gael ang sasakyan at pagkatapos noon ay lumabas na sila ng kotse. Pagkapasok ay naghanap sila ng upuan na maaring mapwestuhan.

    "Anong sinabi mo kay Mama kanina?"

    "Na may date tayong dalawa at magpo-propose akong maging boyfriend mo," narinig niya ang tawa nito pag kasabi niyon, bahagya siyang nasaktan dahil parang gusto nitong iparating na napaka-imposible noon ngunit yun ang kapalit ng pagmamahal niya rito, isang bagay na dapat niyang pagdusahan, dahil simula ng mahalin niya ito ay alam na niya ang maaring mangyari.

    "Anong sabi ni Mama?"

    "Sana raw magkatuluyan tayo, para sa kumpanya and all, you know business at boto daw siya sa akin," ngumiti ito, pinipilit niyang 'wag maapektuhan sa mga simpleng titig at ngiti nito pero kaya niya nga ba talaga? Kung sa pakiramdam niya mauubusan na siya ng hininga sa kakasinghap dahil sobra siyang kinikilig, tinawag nito ang waiter at umorder ito ng sisig at juice para sa kanila, makalipas ang sampung minuto ay ibinigay na nito ang order nila

    "Nasan na ba yang imi-meet natin?" tanong niya na may bahidnng pagka-inip.

    "Nandun sa taas ng stage kumakanta, binigay sa akin ng pinsan niya yung number niya," tumingin siya  sa direksyon ng stage at nakita niya ang lalaking tinutukoy nito, nakita niyang may itsura ito at tumutugtog ng drums habang kumakanta, mahaba ang buhok na hanggang balikat nito at nakatali, tumingin ulit siya sa kaibigan at nahuli niyang nakatitig ito at nakangiti.

    "Bakit? Ba't ganyan ang tingin mo?"

    "Kasi Best baka crush mo siya, Uy! baka agawan mo pa ako!"

    "Eh pano kung meron nga," napatahimik ito at tumitig sa kanya ng may pag-aalala sa mga mata, dahil doon ay natawa siya at kumuha ng sisig at sinubo iyon.

    "Meron ba?" tanong nito na parang kinakabahan.

    "Wala, ano ka ba nagjo-joke lang ako, ikaw ha pagkatapos kay Jhed na kanina ka lang na brokenhearted bago na naman," puna niya dito, sa bagay kahit kailan naman ay walang permanenteng nagustuhan si Gael sa mga lalaki, parang naghahanap lang talaga ito ng pagmamahal na hindi nito nakita sa pamilya nitong sobrang busy at ngayon ay narito si Gael nagpapaka babae, nagbabakasakaling may magmahal sa kanya.

    "Best may aaminin ako sa iyo," sabi nito na bahagyang nagpakunot sa kanyang noo.

    "Ano iyon?"

    "Best kasi I introduced myself to him as a girl."

    "Oh ano naman ngayon, 'di sabihin mo yung totoo na hindi ka talaga girl, na feeling mo girl ka."

    "That's not the problem."

    "Then what?"

    "I told him that my name is Hebe," sagot nito na nakayuko.

    "What?!" napatayo siya at dahil sa tapos ng tumugtog ang banda ay narinig ang sigaw niya, tumingin sa kanya ang mga tao pati na ang lalaking drummer, hinila siya paupo ni Gael at hinawakan ang kamay niya, nakaramdam siya ng kuryente sa ginawa nito kaya't agad niyang binawi iyon mula rito na sa tingin niya ay inisip nitong dahil sa galit siya,

    "Best, sorry na, pagbigyan mo na ako rito, ganito na lang kunyari ikaw nga talaga ang katext niya, okay?" hindi siya tumango o tumingin rito dahil gusto niyang iparamdam na naiinis siya, hindi niya napansing lumapit sa kanila ang lalaking drummer at huminto sa mismong table nila.

    Tumikhim ito upang kunin ang atensyon nila. "Excuse me, Are you Hebe?" tanong nito.

    "How did you know?" takang tanong niya rito.

    "You told me in your message that you'll bring a white rose," sa sinabi nito ay tumingin siya sa table nila at nakita roon ang isang pirasong white rose, tumingin siya kay Gael ng masama, kumuha ito ng upuan at itinabi sa kanya.

    "I'm Elly Arifin, I know you already know me but let's make this one formal," inabot nito ang kamay sa kanya.

    "Ah...Helena Bernadine," inabot niya rin ang kamay dito at naramdaman niya ang pagpisil nito roon, tumingin siya sa direksyon ni Gael at nakita niya ang pagtitig nito sa kamay nila at dahil doon ay agad niyang binawi mula rito ang kamay pero hindi iyon pinayagan ng lalaking kahawakan niya't dinala pa nito sa mga labi nito ang kanyang kamay.

    "You know what? Matagal na rin naman tayong magkakilala sa text, at nang makita naman kita na-realize kong napakasuwerte ko naman na ikaw ang nakilala ko sa text," ngumiti ito at naramdaman niya ang klase ng paghalik nito sa kanyang kamay, nalalaswaan siya dito kaya't agad niyang hinugot iyon.

    "Bakit? Ayaw mo ba sa akin?" Tanong nito na nakangiti ngunit naiinis siya sa ngiti nito dahil ang laswa sa paningin niya, alam niyang may iniisip itong kung ano na tanging ito lang ang nakakaalam, hinawakan siya nito sa balikat at ibinaba hanggang sa kanyang siko.

    "I'd love to take you home tonight," sabi nito, napatingin siya kay Gael na kanina pa nanonood, at nakita niya sa mata nito ang pag-aalala.

    "Sorry Elly but we have to go now," tumayo siya at pati si Gael, tumingin naman si Elly kay Gael at napatawa, hinatak siya paupo ni Elly at akmang sisiilin ng halik ngunit pinigilan ito ni Gael.

    "Pare, tigilan mo na yan kanina mo pa s'ya nababastos," tumingin ito kay Gael ng matalim.

    "Wag kang mag-alala, alam ko namang liligaya siya sa akin ngayong gabi," tumawa ito. "Akala mo ba hindi ko alam na nagpapanggap kang isang babae?" nagulat siya sa sinabi nito.

     "Oo Gael, bakla! Alam kong niloloko mo 'ko dahil sinabi ng pinsan ko sa akin ang totoo," nakita niya ang itsura ni Gael ngunit hindi niya alam kung galit ito o hindi dahil hindi niya makita ang mga mata nito sa dilim ng paligid.

    "Alam mo pinapunta kita rito para gulpihin sana, pero ng makita ko 'tong chicks na 'to, I thought maybe you can just use her as a payment."

    "Payment para saan?" tanong ni Gael.

    "For bothering me and wasting my time with all your stupid, nonsense and disgusting text messages," tumayo ito at tumingin kay Gael ng diretso alam niyang nasaktan si Gael sa mga sinabi nito.

    "If you think papatulan kita, dream on male whore, salot ka sa lipunan at dapat kang ipadispatsa, ikaw at ng mga kauri mo!" sigaw nito, tumingin ulit siya kay Gael at ngayon ay nakita na niya ang apoy ng galit sa mata nito.

    "Bakit galit ka? Para namang kaya mo akong patulan, k sige ganito na lang hindi ko kukunin itong kaibigan mo bigyan mo lang ako ng fifty thousand pesos, panggastos ko lang sige na," pang-aasar pa nito kay Gael, bigla ay nagpakawala ng suntok si Gael na nagpabagsak sa lalaki, nagulat siya roon, akmang tatayo pa ito ngunit sa lakas ng suntok ni Gael ay nahilo ito at bumagsak, hinila siya ni Gael papunta sa labas ng bar at isinakay sa sasakyan, hindi pa nito pinaaandar iyon, nakahinto lang sila at walang imikan.

    Maya-maya'y ito ang unang nagsalita. "Sorry kanina, nabastos ka dahil sa mga pinag-gagawa kong kagaguhan," pagkasabi noon ay sinuntok nito ang manibela.

    "Gael ano ka ba?" pigil niya rito. "Masira mo pa yan, maglakad pa tayo pauwi," biro niya ngunit hindi ito tumawa ni ngumiti man lang, alam niyang mas nasasaktan ito kaysa sa kanya dahil siya wala namang masyadong natanggap. 

    Oo nga't nabastos siya ngunit sinagip siya nito at ito ang mas nabastos dahil sa sakit ng mga pinagsasabi rito ng lalaking iyon.

     "Gael ano ka ba? Nakaganti ka na rin naman di ba? sa lakas ng suntok mo baka dalawang linggo bago maka-recover 'yon," pagpapagaan niya sa saloobin nito.

     "Bakit ganon? Bakit ba hindi nila kayang igalang ang mga katulad ko? Hindi ba ako karespe-respeto? Mukha ba akong dapat bastusin?" tanong nito na puno ng hinanakit, tumingin ito sa kanya at lumuluha, pinunasan niya ang luha nito gamit ang kanyang panyo.

    "Gael may mga katulad lang talaga nilang walang modo at walang pakialam sa iba."

    "Pero bakit hindi nila matanggap ang mga katulad namin? Bakit pakiramdam ko kung sila lang ang may hawak ng buhay namin ay matagal na kaming patay, wala ba talagang lugar ang mundong ito para sa amin, na porke't ba ganito kami ay wala na kaming karapatan mabuhay ng marangal? Wala namang masama sa pagiging bakla 'di ba? Hindi naman kami gumagawa ng masama 'di ba? Hindi naman kami kriminal, wala naman kaming pinatay o inagrabyado diba?"

    Inilagay nito ang ulo sa kanyang balikat at doon ay umiyak, alam niyang umiiyak ito hindi dahil sa lalaking gusto nito kundi dahil sa nasaktan ito at ang pride nito, napahiya ito sa maraming tao.

    Niyakap niya ito ng mahigpit. "Sana dumating na ang taong para sa akin, sana hindi na ako mahirapan ng ganito, sana pag nakita ko siya 'wag ko nang maranasan lahat ng ito dahil ayoko nang masaktan ng ganito," hiling nito, niyakap niya ito ng mas mahigpit.

    Gael andito lang ako, kung hindi ka nila kayang mahalin ay ako na ang gagawa noon, hindi ka na uli masasaktan ng ganito bulong niya sa isipan.

    NAKAUWI siya ng alas-onse ng gabi, siya na ang nag-drive ng kotse dahil sa sobrang malungkot na si Gael, pagkauwi nito ay agad itong pumasok ng bahay, hindi na niya inaasahan na maabutan pang gising ang kanyang ina at nasa living room ito dahil kapag ganoong oras ay nasa kwarto na nito ito, kung hindi tulog ay doon ginagawa ang mga trabaho nito, hindi tulad ngayon na naroon ito sa sala ng kanilang bahay, sa tingin niya ay mukhang naghihintay ito sa kanya, ng maramdaman nitong naroon na siya ay tumingin ito sa direksyon niya at ngumiti, tumayo ito at sinalubong siya ng yakap.

    "So what happened in your date?" napakunot siya sa tanong nito at muntik niya ng makalimutan ang sinabi ni Gael dito na nag-date sila. "Kayo na ba?" sunod na tanong nito ng hindi siya sumagot. "He told me he'll propose to you, don't tell me tinanggihan mo yon?"

    "Ma, pagod po ako," sagot niya rito.

    "Oh come on my daughter, I waited for you just to hear the news at yan lang ang isasagot mo,"

    Biglang may pumasok sa utak ni Hebe isang solusyon sa problemang noong una ay hindi niya alam kung paano lulusutan.

    "He proposed to me," pagsisinungaling niya rito.

    "Then?" halatang excited na tanong nito.

    "It was a wedding proposal."

    "Oh!" napatakip ito sa bibig nito. "What did you answer him?"

    "A yes," ang akala niya ay magagalit ito ngunit niyakap pa siya nito.

    "That's great news Helena, your Dad will be happy if he'll know this, I'll contact him and tell him about this," kitang-kita niya ang saya sa mga mata nito, ang Papa niya ay nasa ibang bansa para sa kanilang business at sigurado siyang matutuwa din iyon dahil sa balitang ito, dahil na rin sa business, ang hindi niya lang alam ay kung ano ang magiging reaksyon ni Gael.

    Alam niyang kahit ang pamilya nito ay sasang-ayon, kaya wala na siyang problema roon.

    Basta saka ko na iisipin iyon, ssambit niya sa sarili.

    "O sige anak ah, have some rest, alam kong pagod ka."

    "Yes Ma," ngumiti siya rito at umakyat na sa kwarto niya.

    Nang nasa loob na siya ng kwarto niya ay halos hindi siya makatulog sa mga isiping baka magalit sa kanya si Gael.

    Gael eto lang ang naiisip kong paraan para isalba ka sa lahat ng paghihirap na dinadanas mo, pangako ko magiging mabuting asawa ako sa iyo, mamahalin kita na mas higit pa sa inaasahan mong kayang ibigay sa'yo, nakatulugan na niya ang isiping iyon.

    NASA simbahan sila at kasalukuyang ginaganap ang seremonya ng kasal nila ni Gael, maganda ang kanta ng simbahan, nakagown siya ng sobrang haba at ito ay naghahantay sa altar ng nakangiti sa kanya, pormal na pormal ito sa suot at naglalakad siya patungo sa altar, nakatitig ito sa kanya ng may buong paghanga.

    Ikaw lang Gael, ang mamahalin ko hanggang magwakas ang mundo, nakangiti rin siya rito.

    Nang makarating na sa altar ay kinuha nito ang kamay niya at magkasabay silang pumunta sa tapat ng altar, magkahawak kamay, tumingin siya sa gawi ni Gael at tumingin din ito sa kanya kasabay ng pag-ngiti, nagsimula na ang seremonya ng kasal.

    "Do you Gabriel Simonne accept Helena Bernadine as your lawful wife, to have and to hold, from this day forward, for better or for worse, for richer or for poorer, in sickness and in health, to love and to cherish until death do you part?"

    "I do," sagot nito, siya naman ang sumunod.

    "Do you Helena Bernadine accept Gabriel Simonne as your lawful husband, to have and to hold, from this day forward, for better or for worse, for richer or for poorer, in sickness and in health, to love and cherish until death do you part?"

    "I do," sagot niya at tumingin ito sa kanya ng naka-ngiti, sumunod ang paglalagay ng singsing sa kanilang mga kamay.

    "Take this ring as a sign of my love and faithfulness in the name of the father, the son and the holy spirit," sambit nila sa isa't-isa.

    May ilan pang sinabi ang pari ngunit ang huli ay "You may now kiss your bride," nakatingin siya kay Gael, tumingin ulit si Gael sa kanya at itinaas ang kanyang belo lumapit ang mukha nito sa kanya.

    God kung panaginip lang ito sana ay magising na ako, sambit niya, pumikit na siya at ng malapit na ng lumagabog siya sa sahig ng kanyang kwarto, kanina pa pala siya nananaginip.

    Tumingin siya sa orasan at nakita niyang alas-dos na ng tanghali, dali-dali siyang naligo at bumaba na para mananghalian, inaasahan na niyang wala roon ang Mama niya dahil pumasok na ito sa trabaho.

    Habang kumakain ay nagulat pa siya ng may iabot sa kanya ang katulong na letter mula sa Mama niya.

    Helena,

    Pupunta ako sa Isla Simonne, about the wedding yun ang napili naming venue ng parents ni Gabriel at sa kabilang isla na nabili naming ay doon kayo pansamantalang titira habang bago pa lang kayong kasal, tulog ka pa kaya hindi kita ginising, hindi ako muna pumasok para rito.

    I'll come back for dinner, have a good day my daughter.

                                                                                                                                               Love,

     Mama

    Napangiti siya sa note na iyon, pero maya-maya ay napalis iyon ng maalala niya si Gael.

    Alam na kaya ni Gael ang tungkol dito? Ano kayang naging reaksyon niya? puno ng kabang tanong niya sa sarili.