Chapter Three

C H E L O

            Kasalukuyan akong naglilinis ng loob ng bahay nang may narinig akong nag dingdong. It's my day off today kaya naglilinis ako dahil inaalikabok na ang ibang sulok ng bahay ko. Oo sa akin 'to,dahil binili ko 'to gamit ang sarili kong pera.

Lumabas ako ng bahay at tinungo ang gate.

"Andiyan na!" sigaw ko. Sino naman kaya 'to at di makapaghintay na buksan ko ang gate?

"Sino iyan?" Pagkabukas ko pa lang ng gate ay natigilan ako dahil sa taong nasa harapan ko ngayon.

"Alton, what are you doing here?" kunot noo kong tanong sabay sandal sa gilid ng gate.

Pinasadahan ko siya ng tingin, naka three piece suit siya at nakasandal sa kotse. Tinaasan ko siya ng kilay para maitago ang pagkamangha sa kaniya. Walangya ang hot niya. 

"Paano mo nalaman ang address ko?" tanong ko.

Kumunot ang noo niya at tumayo ng tuwid. 

"I'm your boss, I have my connections." 

Huminga ako ng malamim at pilit pinakalma ang sarili. Oo na, nag assume ako doon. Akala ko talaga nag effort siya sa pag alam ng address ko, pero okay na. Atleast he paid his people to do some research. 

"Ano nga ang ginagawa mo dito? Day off ko ngayon kaya wala akong trabaho sa'yo."

Akma ko ng isasara ang gate nang pinigil niya ito. Tiningnan ko siya ng diretso. Matalim ang kaniyang mga tingin at nakakuyom ang mga kamao. Imbes na umiwas, sinalubong ko ang mga tingin niya. Para akong nawalan ng lakas ng mga sandaling iyon. 

"Dress a casual one, we have something to attend." 

"No."

Ako na mismo ang umiwas sa titigan namin. Akala ko kaya ko pero hindi pala. In the end, talo pa rin pagdating sa kaniya. Nakahinga naman ako ng maluwag pero patuloy ang pagkabog ng aking dibdib.

"You're my secretary and it's your duty to follow all my instructions. Damn it."

I gasped.What the hell? May ganun na pala ngayon. Pwede na palang gawing slave ang secretary? Malapit na talaga akong mapuno dito kay Alton. Kung hindi ko lang 'to Boss, malamang nasipa ko na siya sa kinatatayuan niya.

"Alton naman, isang araw na nga lang ang day off ko tapos ngayon dito ka ulit para sabihing may pupuntahan tayo," reklamo ko sa kanya.

Pero imbes na maawa at i-consider ang reasons ko ay tinaasan lang ako ng kilay. Aba! marunong pala 'tong mag-inarte. Kalbuhin ko ang kilay niya eh.

"Go with me or else you are fired." Nanginig ang mga tuhod ko sa bawat pagbigkas niya ng mga salita. Para itong isang guro na anumang oras ay ibabagsak ang estudyante dahil nagreklamo ito sa isang school project.

I sighed.

Mukhang wala na akong magawa dito. Hinilot ko ang sintido ko at pumasok ng bahay na walang pasabi kay Alton. Bahala siya diyang maghintay sa akin.

Pumanhik ako sa taas at nagsimulang ayusin ang sarili.

Naligo muna ako at sinuot ang napili kong dress na black above the knee at fit sa katawan ko .Minsan ko lang 'to suotin, noong may welcome party ata sa isa sa mga friends ko. Naglagay na rin ako ng light make up and lip tint. I also wore my white necklace. Linugay ko lang ang buhok ko at naglagay ng dalawang hairpin sa magkabilang ilalim ng tenga na kung saan inipit ang buhok ko dun para hindi magulo tapos may nakalugay na iilang hibla sa magkabila. I wore my black sandals with 3 inches high heels.

Tanging maliit na sling bag lang ang dala ko at lumabas na sa kwarto ko.

Nilock ko ang main door at lumabas na ng gate. Nakita kong bumukas ang pinto ng kotse sa hindi kalayuan mula sa bahay at dahil kilala kong kay Alton ito, pumunta na ako dun pero nilock ko muna ang gate.

Pagkaupo ko pa lang sa passenger's seat,agad niyang pinaharurot ang sasakyan. Fvck! Muntik na akong mahulog doon, ni hindi ko pa nga naisara ang pinto.

"Nagmamadali ka ba?" halata sa boses ko na ang inis.

"We're 3 minutes late." 

"Anong event ba 'yan at sobra ka pa sa kaskaserong driver kung makaasta?" Mas hinigpitan ko ang kapit ko sa seatbelt dahil mas lalong bumilis ang pagmamaneho niya.

Ngunit nanatiling sa kalsada ang kaniyang tingin. Ni hindi manlang siya humingi ng sorry dahil kamuntikan na akong mahulog kanina.

"I'm asking you Alton," iritado kong saad.

Still, no response pa rin sya. Ito ba ang gusto niya,well pagbibigyan ko siya.

Parang pinagsakluban ng langit at lupa ang mukha ko hanggang makarating kami sa 'event' na sinasabi ng magaling kong boss. Pagka-park pa lang ng kotse, agad-agad na akong bumaba, hindi ko na siya hinintay siguro sa main door na lang. Alam ko naman kung nasaan iyon e.

Maraming magagarang sasakyan ang nakapark sa harap ng main door at may mga nag-f-flash na camera kahit saan. Pasimple kong tinakpan ang mukha ko gamit ang dala kong maliit na bag.

Tinungo ko na ang main door at sa gilid pumwesto.

Hindi ko maiwasang mamangha sa mga nagdadatingang mga tao. Halatang mga business men and women sila dahil na rin sa tindig nila. May mga foreigner rin dito kaya lalo akong nahiya. Kung ikokompara ang itsura ko sa kanila,parang basahan lang ako. Hindi naman kasi nag-inform ang magaling kong boss na ganito palang event ang pupuntahan namin.

After a few minutes, natanaw ko na si Alton na patagilid na ang paglakad dahil sumikip ang daanan dahil sa dami ng tao.

Akmang susunduin ko sana siya pero may biglang humarang sa kanya. What the fudge, sino iyon? 

Bakas sa mukha ni Alton ang saya pagkakita niya sa babae. I can't deny the fact na sexy siya, pang model ang dating. Nakatalikod ito kaya hindi ko makita kung maganda but maybe maganda, napakaganda kasi ng ngiti ni Alton eh. Kainis!

Kahit ganito ako, hindi ko siya uurungan. I have the right to be with Alton, oo secretary niya ako kaya dapat ako ang kasama niya sa event na ito. 

Inayos ko muna ang mukha ko atsaka nilapitan sila.

"Ofcourse natandaan ko pa yun," sabi ng babae sabay hampas ng marahan kay Alton sa balikat nito.

"So where do you live now? Aren't you going back to states?" Alton.

So lahing puti pala ang isang 'to. Pero wala akong pakialam. Kung kaya niyang akitin si Alton, kaya ko rin. Hindi ako pinalaking talo ng mga parents ko.

"Sir." Kulang na lang isigaw ko ang pagtawag kay Alton. Buo ang atensyon sa magandang babae sa harap niya eh.

"Akala ko nasa loob ka na," sabi niya sakin. Pero nanatiling nasa babae pa rin ang tingin niya habang nasa akin naman ang atensiyon ng babae. I mentally rolled my eyes.

Pumasok na lang ako sa loob na hindi manlang pinansin ang bati sakin ng guard doon sa main gate.

Diretso agad ako sa chocolate buffet. Ikain ko na lang 'to. Bakit ko ba pinapastress ang self ko dun sa lalaking yun? 

Kinuha ko ang red wine na bitbit ng waiter sabay lagok. Magrereklamo pa sana siya pero wala na siyang choice, nalagok ko na eh. Badtrip ako ngayon, huwag sana siyang makisama.

Naramdaman ko ang pagguhit ng red wine sa lalamunan ko. Red wine ba talaga 'to? Bakit ang tapang. I sighed. Bahala na nga, baka magkakulay lang sila ng red wine.

Pagdaan ulit ng waiter ay kinuha ko ulit ang dala niya. This time tatlo na ang dala niya kaya kinuha ko ang dalawang baso. Nilagok ko sila isa-isa. Napangiwi ako. Medyo nakaramdam ako ng hilo pero sandali lang naman iyon. 

Tinignan ko ang waiter sabay balik ng baso sa tray na dala-dala niya.

"Thanks dito," saad ko atsaka umalis sa tabi ng chocolate buffet.

Maasim na nga ang mukha ko, mas umasim pa dahil sa kakapasok lang na dalawang tao. 

Okay, kalma ka lang Chel. Don't act as if you're jealous. Sila lang iyan okay? Kailangan mong manindigan ngayong gabi. You need to get what is yours.

Breathe in.

Breathe out.

Dala na rin siguro ng alak, nagkaroon ako ng lakas ng loob para harapin silang dalawa. Medyo malabo na ang mga tingin ko pero kaya pa naman. Bahagyang kumirot ang ulo ko kaya tinukod ko muna ang kamay ko sa isang mesa. Nang medyo ayos na ako, tinuloy ko na ang plano ko.

Nilugay ko ang buhok ko atsaka dinagdagan ang lipstick ko, kulay red pa naman yun. Ayan!Nagmukha na akong bad secretary.

Taas noo akong lumapit sa isang sulok kung saan nandun si Alton at ang kasama niyang haliparot. 

"Hey babe, bakit ka nandito? Kanina pa kita hinahanap ha?" ako.

Gulat na expression na lumitaw sa mukha ni Alton. Namimilog ang mga mata at bahagyang nakaawang ang bibig. Pero ilang sandali ay kumunot ang noo at tumikhim.

Gustong-gusto ko na matawa pero hindi pa pwede. Para mas effective, kumapit pa ako sa braso niya at mukhang effective dahil bigla niyang naigalaw ang katawan. He stiffened. 

"Hi there, who are you?" painosente kong tanong.

Ako naman ang nagulat dahil ngumisi siya sa akin imbes na madismaya at tarayan ako. Tiningnan niya si Alton na ngayo'y nakakunot pa rin ang noo at parang nandidiri sa sinabi ko. Kumirot ang puso ko dahil doon pero ayos lang, kaya kong magpanggap.

"You're Alton's girlfriend pala. By the way I'm Natasha," sabay abot sa akin ng kanyang kamay.

Tinignan ko lang iyon atsaka mas hinigpitan ang hawak ko kay Alton. Dahan-dahan niyang binaba ang kanyang kamay nang mapagtanto siguro na wala akong balak makipag shake hands.

"Chelo lasing ka na," ramdam ko ang coldness sa boses ni Alton. Patay!

"No I'm not," mabilis kong sagot.

"Tash please excuse us," paalam ni Alton na ikinatango naman ni Natasha.

Nagpahila na lang ako sa kanya tutal medyo paekis-ekis na ang lakad ko. Nakarating kami sa isang silid at hindi ko alam kung paano kami nakarating dito. Kung sabagay, halos mapapikit na ako sa antok kahit bandang alas diyes pa lang ng umaga.

Napangiti ako. Hays, kung anong binabalak ni Alton handa ako. Hay naku, ano ba itong pinagsasabi ko. Halos mandiri nga siya sa'kin, pagsasamantalan pa ba ako? Napakataas talaga ng pangarap mo, Chelo.

Binitawan na niya ang braso ko kaya umupo na lang ako sa sofa. Pati ang paa ko ay pinatong ko sa sofa so bale nakataas na ang two knees ko at nakapatong doon ang baba ko.

"Anong pumasok diyan sa utak mo at nasabi mo yun kanina ha Chelo?" galit na sigaw ni Alton. Wala akong maisagot kundi yuko lang. Nahihiya kasi ako,bakit ko ba kasi yun nagawa? Why?Fvck it, oo na nagseselos na ako.

"Answer me!" 

Nagulat ako sa biglaang pagsigaw niya pagkatapos ng sandaling katahimikan.

"Dala lang siguro yun ng kalasingan Alton," alanganin kong sagot. Nakayuko pa rin ako dahil hindi ko kayang salubungin ang mga tingin niya sa akin.

Narinig ko ang pagmura niya.

"Sorry na hindi ko iyon sinasadya," halos bulong na sabi ko.

Tumayo ako at akmang lalapitan siya pero malakas na pagsara ng pinto ang naabutan ko. I sighed, galit na talaga siya.

Napabalik na lang ako sa kinauupuan ko at napasabunot sa sarili ko. Masyado atang makapal ang mukha ko kanina at nagawa ko iyon. Sa harapan pa ng kakilala niya.

Pero hindi ko iyon pinagsisihan, kahit napagalitan niya ako. Pero anong magagawa ko, nagawa ko na at masaya ako dahil nagkaroon ako ng lakas ng loob para maihayag sa kaniya ang totoo kahit sa ganoong paraan. 

I closed my eyes and smile. Sana hindi ako masaktan sa mga pinanggagawa ko. Sana nga.