Chapter 12

Naalimpungatan si Isabella dahil sa tunog ng kaniyang alarm clock. Papikit pikit itong bumangon upang patigilin ang ingay. Nabaling naman ang atensyon niya kay Avi na nasa sahig ng kaniyang kwarto.

Nanlalaki ang mga mata ng dalaga saka ito pinulot at muling ibinalik sa kama. "I'm sorry. Malikot talaga ako matulog," saad ni Isabella habang tinitingnan ang Teddy Bear. "Good morning my Avi."

Tuluyan siyang bumangon dahil ayaw niyang ma late sa trabaho. Alas otso ay kailangang naroon na siya sa kaniyang opisina. Mayroon pa siyang isang oras at kalahating minuto para maghanda.

Inayos muna ni Isabella ang pwesto ni Avi bago niya ito iniwan at nagtungo sa kaniyang banyo upang linisin ang sarili.

Minuto lang ang naitagal nang paghahanda nito. Umupo si Isabella sa pang isahang sofa habang naghihintay ng kaniyang pag alis. Kinuha niya ang kaniyang cellphone saka ito binuksan.

Pumasok sa kaniyang isip si Avi. Kailangan niyang pasalamatan si Davis kung totoong sa kaniya nga galing iyon, pero hin