0027: Cold

Misha’s POV

“Halika na dito sa dining area, tapos na akong magluto,” aya na niya sa akin kaya tumayo na ako at saka ko binaba ang tupperware na may lamang afritadang manok sa lamesa sa may sala.

Malayo palang ako sa dining area, amoy ko na ang mga pagkaing niluto niya. Kakaiba at parang hindi pangkaraniwan ang mga niluto niya base sa naaamoy ko.

Napataas ang kilay ko nang makakita ako ng iba’t ibang klase ng pagkain sa lamesa. Nakangiti niya akong tinignan na parang proud sa sarili niya. “Look, itsura palang ng plating ko, mukha na agad masarap ‘no? Lalo kapag tinikman mo na, walang-wala ‘yung afritadang manok na tinikman mo kanina.”

Siya na ang pumuri sa sarili niya kaya napapangiti na lang ako. “Teka, ano ba itong mga pagkaing ginawa mo?” tanong ko kasi sa totoo lang ay bago ito sa paningin at panlasa ko.

“Hindi ko pa pala nasasabi sa ‘yo, Misha. Nag-aral ako ng culinary arts sa ibang bansa. Pero tatlong buwan lang, kasi hindi ko naman pangarap maging magaling na chef. Gusto lang ta