Chapter 5

Chapter 5

Pinauna kong lumabas ang nakasabay ko sa elevator. Nang alam kong malayo na siya ay saka ang naglakad palabas ng building.

"Ma'am, okay lang po ba kayo?" Tanong sa akin ni Manong guard.

"Oo naman kuya."

"Maupo po muna kayo ma'am, nanginginig po kayo. " Umiling na lamang ako sa kanya.

"Ayos lang po kuya, sa kotse na po ako magpapakalma. Baka ho sundan ako ni Tristan."

"Alalayan ko na lang kayo ma'am, para po sure akong nakasakay kayo ng maayos sa sasakyan." Tumango na lamang ako sa kanya.

Nang maihatid ako sa kotse ko ay nagpaalam na rin ito na babalik na siya sa pwesto niya. Inabot oa yata ako ng isang oras sa parking lot bago tuluyang umalis. Ni hindi man lang ako sinundan ni Tristan, kahit message ay wala rin.

Napagpasyahan kong umalis na doon, chineck ko ang oras. Mag aala una na ng madaling araw kaya naman hindi ko na rin nagawang abalahin ang mga kaibigan ko. Mabilis akong umuwi sa bahay para magpalit ng damit, I think I need to chill out a bit. Hindi ko dapat sayangin ang oras ko sa pag iiyak at pagmumukmok dahil lang sa walang kwentang lalaki.

Bigla kong naalala si tatay kaya naman napaiyak na lamang ako. Salat kami noon sa salapi pero hindi niya kami hinahayaan na madehado o masaktan.

Nang makauwi ay mabilis akong nagpalit ng damit, sa dami ng kinalkal ko ay wala akong magustuhan. Tsk, habang nakatingin sa magulong walk in closet ay napukaw ang aking pansin ng isang pulang dress na kumikinang kapag nasisinagan ng ilaw. Napangisi ako at lumapit doon. Ang haba noon ay mataas pa sa aking tuhod na may slit sa gilid. Sleeveless iyon at kitang kita ang cleavage kapag isinuot iyon.

Naalala kong regalo ito ni Pixie noong 28th birthday ko, ngayon ko lamang siya maisusuot. Pinaresan ko na lamang ito ng isa ring pulang high heels at saka naglagay ng dark red na lipstick, inilugay ko na lamang ang itim at medyo kulot ko na buhok.

Malungkot na lamang akong napangiti ng makita ang hitsura ko sa salamin. Nagtungo ako sa pinakamalapit na bar sa condo ko.

Nang makapasok ay agad akong nagtungo sa bar counter. Maingay ang paligid at lahat ay nagsasaya, mausok na rin at karamihan ay mga lasing na.

"Hi miss beautiful, anong order mo? " Nakangiting entertain sa akin ng bartender.

"Ahm..." Sa totoo lang ay wala akong alam sa mga ganitong lugar, si Pixie lang ang palaging nag oorder noon ng iinumin namin...

"Ay sige Miss beautiful, ako na ang bahala sa drinks mo. " Naiiling na sabi nito at saka nagtimpla ng alak.

"Hey, can you just give me something hard? Like, yung parang hindi na ako bubuyahin kinabukasan. You know what I mean, right? " Nailang naman ako bigla dahil sa sinabi ko.

"Yes ma'am." Sumaludo pa ito sa akin kaya naman natawa ako. He's bubbly, nakakatuwang mag order sa kanya.

Mabilis namang dumating ang order ko, inabala ko na lamang sa sarili sa pag inom ng may biglang lumapit sa akin.

"Hi! "

"Oh hi! " Nakangiting sabi ko sa lalaking lumapit sa akin. Gwapo ito at matipuno, mukhang napukaw ko ang atensiyon niya.

"Kanina pa kita tinitingnan and you're alone? I'm Mike." Inilahad nito ang kanyang kamay sa akin.

"I'm... Blevine." Ngiti ko rito. Inilibre ako nito ng drinks at nakipagkwentuhan sa akin. He's from US daw and nagbabakasiyon lamang siya ngayon sa Pilipinas.

"Ahm, ikaw? Wala ka bang kasama? " Tanong ko pa sa kanya.

"I'm with my cousins, nandun sila." Itinuro niya ang isang parte ng bar.

"Want to join them? "

"Okay, let's go! " I giggled. Tinatamaan na rin ako ng alak, tinungga ko muna ang alak na nasa baso ko bago ako sumama sa kanya. Nabigla pa ako ng bigla niya akong hapitin sa bewang.

"I don't want to lose you in the crowd, Blevine." Sabi niya sa tenga ko kaya naman tumango na lamang ako at saka tumawa.

"Oh Mike! You got a girl! " Anim silang nakaupo doon. Dalawang babae at apat na lalaki.

"Hi! I'm Blevine! " Ngiti ko sa kanila at saka kumaway pa. Binati rin naman nila ako at saka ako pinaupo ni Mike. Nakipag inuman ako sa kanila at nakipagkwentuhan, hindi naman sila nakakailang kasama kaya naman mas nag enjoy ako.

"Let's dance Blevine! Ang ganda ng music! " Sasama na sana ako kila Miles ng pumigil si Mike.

"Later na! Mag uusap muna kami! Kayo na lang muna ang sumayaw. Isama niyo itong sila Fred." Pagtataboy ni Mike sa mga kasama. Hindi na ako nakasama kila Miles dahil kay Mike. Naiwan tuloy kaming dalawa sa table.

"So, why are you alone here? "

"Uhm, just wanna have fun. I guess? " Kibit balikat na sabi ko at saka uminom ng alak. Hindi ko na alam kung gaano na karami ang naiinom ko pero wala na rin akong pakielam.

"Fun, huh? " Ngisi nito sa akin. Naramdaman ko na lamang bigla ang kamay ni Mike na humihimas sa aking hita. Para namang nagising ang diwa ko.

"Hey. Stop that! " Malakas kong tinapik ang kamay niya. Sapat na para malaman niyang hindi ako magpapamanyak sa kanya. Tumayo na rin ako at nakaramdam pa ng matinding pagkahilo.

"Tsk, huwag ka ng magpakipot." Nairitang sabi pa ni Mike sa akin at hinawakan ako sa kamay.

"Excuse me? Aalis na ako." Napakapit pa ako sa lamesa dahil sa hilo.

SOMEONE'S POV

"Where is she? " Mabilis kong tanong sa aking tauhan at saka ko hinanap ang dalaga sa karamihan ng tao sa ibaba. Mga lasing na rin sila na nagsasayawan.

"Sir, bigla pong nawala."

"Damn it! Find her!" Galit na bulyaw ko sa aking mga tauhan. Naglakad na rin ako pababa para hanapin siya. I can't lose her this time, not this time.

Nakipagsiksikan ako sa karamihan ng tao na nagsasayawan. Nang makita ko siyang hinahawakan ng isang lalaki ay mabilis akong lumapit sa kanila. She's really drunk, tsk.

"Don't touch her." Malamig na sabi ko sa lalaking nagpupumilit na hawakan siya.

"Pre, huwag kang makielam dito. Sinusumpong lang ang girlfriend ko."

"Ew! You're not my boyfriend, pumayag lang akong makipagkwentuhan sayo pero hindi ko sinabing type kita." Natawa naman ako dahil sa tinuran niya. Lumapit siya sa akin at yumakap. Nabigla man ay mabuti na lang at nasalo ko siya.

"Can you take me home mister? He's harassing me." Turo niya sa sarili at saka ipinikit ang mapungay niyang nga mata.

"Hey, bitch! I'm not harassing you! My god, kusa kang sumama dito sa table namin tapos ngayon nalasing ka ay sasabihin mong hinaharass kita! Gusto mo lang yata na magpalibre ng alak mo dahil wala kang pambayad!" Dinuro duro niya si Annika kaya naman agad na nagdilim ang paningin ko ngunit bago ko pa man mapatulan ang bastos na lalaki ay tinapunan ito ni Annika ng ilang perang papel.

"Fuck, you're so whiny! What a fucking pussy! I can pay for my own drinks asshole. May kasamang bussiness card yan, if kulang pa ang ibinayad ko sayo ay tawagan mo na lang ako. Tsk."

"Let's go Mister. Thank you for saving me." Muli siyang kumapit sa akin at sumubsob pa sa leeg ko.

Damn, she's really a tempress.