Kabanata 12: Ang Paghaharap

Callea POV,

"Malapit na gumabi Lila at baka hinahanap na nila ako." Pag aalala ko. Nakaupo kami pareho sa malaking kama. 

"Prinsesa may alam ako para makaalis dito." Sabi ni Lila habang may dinudukot sa kanyang bulsa.

" Paano? May alam ka?" Tanong ko sa kanya.

Pinakita niya sa akin ang bagay na kinuha niya sa bulsa niya. Isang kaperasong bato na kumikinang. Maliit lamang ito ngunit napakagandang tingnan. 

"Ano yan?" Tanong ko ulit. Tumayo ako at bigla rin siyang tumayo.

"Hindi po ito simpleng bato lamang. Ito po ay nakakagawa ng lagusan. Isipin mo lamang kung saan ka patungo at ibibigay ng batong ito ang lagusan sa gusto mo puntahan." paliwanag niya.

" Itago mo muna yan, dahil hindi ko pa nakikita ang Gold Queen." Sabi ko sa kanya.

Di na siya nakapagsalita at binalik niya ang bato sa kanyang maliit na bulsa.

"Kamahalan may nagbubukas ng pinto." Bulong ni Lila sa akin.

"Halika ka magtago tayo." Mabilis kung sabi.

Nagtago kami sa ilalim ng kama. Unti -unting nabubuksn ng pinto at nakita ko si Lero. Napabuntong hininga ako ngunit di muna kami lumabas sa pinagtataguan namin ni Lila.

"Prinsesa........Prinsesa...." Tawag ni Lero sa akin sa mahinang boses.

Maya-maya ay nagpakita na ako. Gumapang ako palabas sa ilalim ng kama.

"Ara....y ano ba yan.?" Nauntog yung ulo ko. Nakita agad ako ni Lero  ng marinig ang kunting ingay galing sa kinaroroonan ko.

"Oh, bakit ka nandyan?" Tanong niya sa akin habang inalalayan ako tumayo.

Nakatayo na ako ng tuwid sa harap niya. Si Lila ay di ko muna pinalabas para di makita ni Lero.

"Ah..eh kasi kala ko yung bruha yung parating." Sagot ko sa kanya. Napatingin ako sa mga mata niya. Parang may gusto siyang sabihin sa akin.

Bigla akong nakadama ng katahimikan sa sandaling yun ng natigilan si Lero at umiwas sa akin. Lumayo siya ng kunti at pumunta sa bintana. Nakatalikod siya sa akin at tiningnan ko lamang siya. 

"Lero, may problema ba?" Nagulat siya sa tanong ko at napalingon.

Humakbang siya palapit sa akin at hinawakan ang dalawa kong mga kamay.

"Di ko alam kung paano sasabihin sayo." Sabi niya. Kita ko ang lungkot sa mga mata niya.

"Ano ba yun?" Tanong ko.

Binitawan na niya ang mga kamay ko.

" Nasaksihan ko ang mga nangyari kanina sa mundo ng mga tao. Nakita ko winawasak ng Gold Queen ang mundo kung saan ka nananatili at napamahal." Pagsasalaysay niya.

"Ang sama talaga niya." Galit kong sinabi.

Napansin ko sumisilip si Lila sa gilid ng kama  kaya suminyas ako sa kanya. Baka makita siya ni Lero. 

" Ano tinitingnan mo?" Napalingon ako kay Lero. Nawala kasi saglit ang paningin ko sa kanya habang sumisinyas ako kay Lila.

" huh, Wala" Sabi ko. Napabuntong hininga ako. 

" Ano ba yun?" Tanong niya ulit.

Tiningnan niya kung saan ako nakatingin kanina. Sinilip niya ang ilalim ng kama. Kinakabahan ako at baka makita niya si Lila. Habol ko ang paghinga ko habang sinisilip niya ang ilalim ng kama. Tinaas niya ang kaperasong tela sa gilid ng kama. 

" Ano meron dito?" Tanong niya sa akin habang nakayuko at tumingin sa akin. Tumayo na siya at biglang napaupo sa gilid ng kama.

" Saan nagpunta si Lila?" Tanong ko ng pabulong. Nakatayo ako sa harap ni Lero at napaupo na rin ng nakaramdam ako ng pangangalay.

Di ko alam kung saan nagtago ang munting fairy kaya hinayaan ko na lang. Nakaupo kami dalawa ni Lero habang nakatingin sa bintana. Umiihip ang hangin at natatangay nito ang mga kurtina.

"Lero, kailangan kong makaalis dito. please.....help me." Pagmakaawa ko sa kanya.

Tumayo siya bigla at hinawakan ang kamay aking kamay.

"Halika ka na at baka dumating pa ang Gold Queen." Sabi ni Lero na nagmamadali ng umalis.

Nakalabas na kami ng kwarto at mabilis na nagtungo sa pintuan ng palasyo. 

" Teka, baka makita tayo pag dyan tayo dadaan." Biglang naisip ni Lero na baka mahuli kami.

Wala pa akong kakayahan na labanan ang bruha hanggat di sumasapit ang itinakdang araw ng aking kaarawan.

"Eh saan tayo dadaan?" Tanong ko sa kanya habang hawak niya ng mahigpit ang kaliwang kamay ko.

"Basta sumunod ka lang, ako bahala sayo." Sagot niya sa akin.

Patakbo na sana kami ng biglang lumitaw ang bruha sa aming harapan na ikinagulat naming dalawa.

" Ka....kamahalan.." Gulat na sabi ni Lero.

Naramdaman ko ang takot sa mga mata niya. Di tulad ko na kalmado lang.  Tahimik lang ako sa sandaling pinagmasdan ko ang Gold Queen.

" At saan naman kayo pupunta? Ha, Lero." Tanong ng bruha.

 Tiningnan ko ng mabuti ang Gold Queen. Tama nga ang kwento tungkol sa kanya at ngayon nakita ko na siya ng harapan. Nababalot siya ng mga ginto at nakakasilaw siya tingnan. Napansin ko ang hawak niyang gintong basto sa kanyang kanang kamay.

" Ah.. ka...kasi po kamahalan, nakita ko siyang tumatakas at hinabol ko." Paliwanag ni Lero.

Tahimik lang ako na nakatingin sa kanila. 

"Hindi mo na siya ibabalik sa kanyang silid." Malakas na sabi ng Gold Queen.

Lumingon sa akin si Lero at makikita sa kanyang mga mata ang lungkot. 

" Bakit po kamahalan?" Tanong ni Lero sa bruha.

" Malalaman mo rin." Sagot sa kanya ng bruha.

Biglang nagpakawala ng kapangyarihan ang Gold Queen sa loob ng palasyo.

"Simula ngayon ang buong palasyo ay nasa ilalim ng aking mahika. Tanging ang prinsesa lamang ang hindi na muling makakalabas sa palasyong ito. Nilagyan ko ng harang ang buong paligid at kapag sinubukan mo lumabas...ikaw ay tuluyang maging ginto." Nanlilisik ang mga mata ng bruha habang sinasabi sa akin ang nais niya.

Tiningnan ko lang ng masama ang Gold Queen. Binitawan na ako ni Lero sa mga oras na yun at tahimik na pumunta sa tabi ng bruha. 

"Ano na ang gagawin mo ngayon my dear...? Tanong niya at napatawa ito ng malakas habang patalikod papalayo sa akin.

Di na lumingon si Lero at sumunod ito sa bruha. Kailangan niyang mapaniwala ang bruha na nasa panig siya nito. Wala na akong magawa sa mga oras na yun. Naupo ako sa sahig at nadala sa aking pagkatalo hanggang sa nagsimulang pumatak ang aking mga luha. 

"Prinsesa....Prinsesa...." pamilyar ang boses.

Nilibot ko ang aking paningin. Nakita ko si Lila na nagtatago sa isa sa gintong bagay na hugis tao. Tiningnan ko muna sila Lero kung nakalayo na. Nang nakalayo na sila dahil sa kahabaan ng palasyo ay sinamantala ko ang pagkakataon na lapitan si Lila.

"Prinsesa, pumunta ka sa iyong silid at susunod ako. Doon na tayo mag usap." Sabi sa akin ng fairy.

"Sige  Lila at hintayin kita dun. Mag ingat ka ha." Sabi ko sa kanya.

Nagtungo ako sa hagdan at pumunta sa silid kung saan ako kinulong. Pagpasok ko sa silid na yun ay bigla ko kinandado ang pinto.

" Prinsesa....dito." Sigaw ni Lila.

Nasa bintana siya na lumilipad at sumasabay sa hangin. Mabilis  akong nagtungo sa kinaroroonan niya. May binulong siya sa akin tungkol sa bato na nasa bulsa niya. Sa pamamagitan ng batong yun ay makakatakas na ako sa Gold Queen. Kakaiba ang batong yun at sadyang mahiwaga. Kaya nito gumawa ng daan papunta sa kung saan mo naisin.

" Gusto ko makita kung ano nangyari sa mundo ng mga tao Lila." Sabi ko kay Lila. 

" Sasamahan kita  mahal Prinsesa." Bigla hinagis ni Lila ang bato sa kung saan at naging lagusan ito.

" Sige na mahal na Prinsesa pumasok ka na sa lagusan dahil hindi ito tumatagal at nagsasara ito bigla." Mabilis niyang sinabi sa akin.

Di na ako nagdalawang isip pa. Pumasok na ako sa lagusan at sumunod na rin sa akin si Lila.