Chapter 1

My name is Harriet Schuyller Echavez Brown. You can call me Sky.

Naks! Pangalan pa lang maganda na diba?

Pero wag kayong ma-disappoint dahil hindi ako yung maganda na nasa imagination niyo. I'm not your typical bida na maganda, matangkad at balingkinitan ang katawan.

Maliit akong babae, 5'1" lang and height ko. Bonus na sa akin na maputi ako. Siguro yun lang ang masasabi kong medyo nakadagdag sa kagandahan ko.

Ang sabi ng mga taong inggit sa akin, hindi ako maganda, maputi lang.

Naku! Linyahan ng mga insecure. Tse!

Siguro nga para sa kanila hindi ako maganda pero para sa akin maganda ako. Syempre! Sino pa ba ang pupuri sa akin kundi ako lang din naman, diba? Paano na lang kung ako mismo ayaw din sa mukha ko edi kawawa naman ako.

Pero wag ka, sa liit kong ito, masipag at madiskarte ako . Bata pa lang, ako na ang kasa-kasama ni Lola Valeria na maghanap buhay. Ako ang side kick ni Lola. Katulong niya ako sa pagbubuhat ng basket ng mga paninda niyang bibingka. Ako din ang katulong niya magbuhat ng mga gulay na inaangkat namin sa palengke para sa maliit naming karenderya.

Bata palang ako sanay na akong magbanat ng buto.

Woi! Magbanat ng buto! Rosalinda yern?

Sa liit kong ito marunong akong umakyat ng puno ng niyog. Sisiw lang yan sa akin, pwede pa akong magtinikling doon sa taas. Natuto ako dahil yung ang first business ko.

Hala sya! Business minded?

Pero seryoso, natuto akong umakyat ng niyog dahil minsan walang umaakyat para sa niyog toppings ng bibingka gawa ni Lola. Yung iba ay naman ay ginagawa kong coconut candy, yung kendi na parang yema, tapos binebenta ko sa room namin tigpi-piso ang piraso. Tapos bukayo nilalagay ko naman sa canteen sa halagang tigta- tatlong piso.

Ang kita ko doon, yun ang ginagamit kong pambili ng mga ipit ko sa buhok, mga burluloy at kung ano-anong pang pampaganda. Feeling maganda nga kasi ako diba? Feeling maganda na hindi coordinated ang kulay ng mga gamit. Maano ba? Eh, sa love ko talaga ang matitingkad na kulay ng mga damit at burloloy. Jolina Magdangal mahirap version nga daw ako.

Maliit pa lang ako maarte na talaga ako. Nadala ko ito hanggang sa nagdalaga na ako. Feeling ko artista ako, hindi pa lang nadiscover. Kaya nga every time pumupunta akong mall, sinasadya ko talaga magpaganda, malay natin may mga talent scout at makita ako diba?

Kaya madiskarte ako dahil marami akong gustong bilhin. Mga damit, sandal, sapatos, bag. Pero mga mura lang dahil sa ukay-ukay ko lang naman binibili. At least wala naman akong inabala diba?

Bata pa lang ambisyosa na talaga ako. Mukha nga daw akong pera sabi ng mga kaklase ko. Hindi ko naman dine-deny yun dahil mukhang pera naman talaga ako. Pero, may malaking pero tayo para diyan, take note, lahat ng perang meron ako, malaki man o maliit, pinaghihirapan ko lahat yun. Kesehodang magkandakuba ako kakabitbit ng mga kung ano-anong pwede kung e-benta basta lang ba magka pera ako. Tsaka wala namang masama sa pagiging ambisyosa diba? Nagiging masama lang yun kapag nang-aabala ka na ng iba.

Saka suportado naman ako ng Lola Valeria ko. Gusto nga ni Lola na magpaganda ako palagi eh, dahil parang nakikita niya sa akin si nanay ko. Kuhang-kuha ko daw talaga ang kaartehan ng nanay ko.

"Sky, hindi ka pa ba tapos dyan? Madami nang customer dito oh."

Yan ang pinsan kong si Lotlot, siya ang kasama namin ni Lola na nag-aasikaso sa maliit na kainan. Parehas kaming wala nang mga magulang.

"Saglit lang malapit na." Nagmamadali akong ilagay ang duck hair clip na binili ko nung isang araw. Kung naalala niyo yung butterfly hairclip ni Jolina nung araw, bebe naman yung version namin ngayon.

"Ang ganda mo talaga Sky." Puri ko sa aking sarili. Ggss pala ako.

Pinasadahan ko ng isang beses ang mukha ko sa salamin at nang makuntento sa gandang taglay ko saka pa ako lumabas ng kwarto.

"Good morning madlang pipol!" Nakangiti kong bati sa mga kumakain doon.

Mga driver ng van at tricycle na suki na ng kainan ni Lola ang nandun.

"Maayong buntag, Day Sky. Kagwapa na lang jud."

Napangiti ako at feeling magandang hinawi ang buhok ko sa likod. Nagtawanan ang mga tatay na nandun. Kilala na ako ng mga ito. Halos araw-araw ba naman nila akong makita dito. Yung iba nga nasubaybayan na ang paglaki ko.

"Gwapaha jud aning apo ni Nang Elyang ba. Naa koy ulitawo day, bagay mo ato." [Ang ganda talaga nitong apo ni Nana Enyang. May binata ako Sky, bagay kayo nun.]

Kilala ko ang binata na anak ni Tatay kaklase ko ito nung high school pero hindi blue ang kulay ng mata kaya pass na lang muna.

"Enjoy eating, mga Tatay. Order pa po kayo!" Nakangiti kong sabi sabay talikod sa kanila.

Sa ganitong maliit na negosyo dapat marunong kang makisama para tumagal. At number one ako pagdating sa mga ganyan. Kaya nga mahal ako ng mga suki namin ni Lola eh. Dati nung maliit pa ako libre entertainment pa ang mga yan. Sinasayawan at kinakantahan ko. Tumigil lang ako nung nagdalaga na ako, hindi na raw kasi magandang tignan.

Eighteen na ako ngayon. Malaki na, madami na ring gustong manligaw pero wala akong ini-entertain.

"Hi pinsan kong maganda!" Bati ko kay Lotlot na busy ngayon sa pagsi-serve.

"Hello Langit! Ganda natin for todays bidyow ah!" Mahina niyang tinampal ang puwet ko.

"Maliit na bagay, Carlotta. Malay mo may magawi ditong afam ngayon gustong mag-avail ng 69." Pilya akong kumindat sa kanya.

"Kaigat sa Bigatla!" [Apakalandi mo Sky!]

Best friend ko si Lotlot, kaya alam nito kung ano ang mga trip ko. Mas matanda lang ito sa akin ng isang taon kaya parehas kami ng mga gusto sa buhay.

"Saan ang lola nating maganda,Lot?"

Saktong lumabas si Lola Valeria mula sa kusina. Ang ganda ng Lola Valeria ko kahit may edad na. Lumapit ako at humalik sa kanya. "Good morning Lola."

"Wow ang ganda naman ng Sky ni Lola."

Umikot ako sa harapan niya at nagpapapungay ng mga mata. "Syempre, kanino pa ba kami magmamana? Malamang sa Lola Valeria namin."

"O siya dalian mo na at marami ka pang lulutuing kikiam doon sa loob."

Nagpaganda pa ako pero doon lang din pala ako magbababad sa kusina. Pero di bale na, at least kahit kusinera maganda pa rin diba?

Lumaki ako kay Lola Valeria dahil parehas nang nag rest in peace ang Nanay at Tatay ko. Nabunggo ng sasakyan nung maliit pa ako. Sa sobrang pagmamahalan nilang dalawa hanggang kamatayan magkasama.

Pitong taong gulang ako nung naiwan ako kay lola. Si Lola Valeria na ang nagpalaki sa akin. Siya din ang nagpaaral hanggang makatapos akong ng high school. College na ako ngayon, third year sa kursong culinary.

Taga Pampanga ang Tatay ko, Taga Benguet naman ang nanay ko. Half kapampangan, half taga benguet, kapag binuo kapampanget. Charot lang!

My dad is British.

Woi! Sana all Bretesh!

Kaso yung tatay ko mahirap na version ng Briton. Paano kasi, na-inlove sa nanay kong Pinay na dati nilang kasambahay. Nung umuwi si mudrabels ko dito sa Pinas, sumunod ang tatay ko. Kaya ang ending tinakwil ng sarili niyang pamilya. Pero keri lang daw, mahal niya daw kasi si Nanay eh. Hindi rin naman siya lugi dahil ako ang bunga. Yun nga lang mukhang hindi ako nakapasa sa quality control. Doon ako na-belong sa may factory defect.

Sinubukan naman daw na bumalik ng tatay ko sa mga magulang niya kasama si nanay pero hindi nila tanggap na isang katulong ang mapapangasawa ng anak nila. May ibang babae daw silang pinagkasundo sa tatay ko yung katulad nilang mayaman din pero ayaw naman niya. Nung mga panahong yun buntis na si nanay sa akin. Akala nila matatanggap na sila kapag nalamang magkakapo na sila, which is ako pero hindi pa rin pala. Makakabalik lang daw si Tatay at tatanggapin lang akong apo nila pero hindi kasama si Nanay.

Mas pinili ng Tatay ko si Nanay. Mas pinili niya ang simpleng buhay. Yun nga lang minalas at maaga ding natapos ang buhay nilang dalawa.

Nakakalungkot lang isipin na ganun ang nnagyari sa kanila. Minsan masasabi ko ring unfair ang buhay. Pero siguro nga para sa mga mayayaman ganun talaga dapat. Ang mga mayayaman ay para lang sa mayayaman.

Sabi ni Lola Valeria, parehas kami ni Nanay, target ang afam na kulay asul ang mata. Bago pa daw ito pumunta sa ibang bansa para magtrabaho, bukambibig na nito na guston niyang makapangasawa ng afam. Hindi sa guto nitong makaahon sa buhay kundi gusto nitong magkaroon ng anak na gwapo at maganda.

Kaso nga lang minalas, hindi ko nakuha ang kulay asul na mata ng tatay ko at hindi rin ako super ganun kaganda. Sakto lang.

Pero di bale ako na lang ang magpapatuloy sa nasimulan ni Nanay. Maghahanap ako ng afam, yung kulay blue ang mata para ma-upgrade naman ang genes ko. Malay natin sa anak ko pala lalabas ang pagiging dugong briton ko. Edi may pambato na tayo sa Miss Universe nito 'pag nagkataon.

O sya tama na ang introduction. Simulan na natin ang kwento para mahanap ko na ang aking forever.

Check list.

📌 Blue eyed afam

📌Matangkad, matangos ang ilong, mapula ang mga labi

📌Mabango, amoy Johnson's baby powder

📌Mabait, malambing, yummy! Ay yummy bakit may yummy?

📌Mas matanda sa akin. Gusto ko nang bini-baby ako. Woi! Baka ibang baby yern?

📌 Tanggap ang buong pagkatao ko. Yung mamahalin kahit ang flaws ko. Yung may respeto sa akin.

Kahit na hindi mayaman okay lang sa akin. Masipag at madiskarte naman ako, magtutulungan lang kaming dalawa para umalwan ang buhay namin.

"Ayo! Ayo! Mupalit ko." [Tao po! Pabili.]

Natigil ako saglit sa pagluluto pagkarinig ko sa boses ni Buboy. Si Buboy ang masugid na manliligaw ni Lotlot. Nagtatrabaho ito sa hacienda ng mga Sandoval.

"Sky! Abtik!"[Sky! Bilis!] Ani Lotlot na parang sinilihan ang pwet.

Hinango ko muna ang kikiam na niluluto ko bago ako lumapit sa kanya. "Bakit?"

"Si Buboy nasa labas. May dalang sasakyan baka nandyan ang isa sa mga anak ng mga Sandoval.Chance mo na to. Tara! Tara!"

Hindi pa man ako nakasagot nahila na ako ni Lotlot palabas ng kusina. HIndi lang ako ang excited kundi pati ito.

Bukambibig din kasi nito na gwapo ang mga anak ni Senyor Gideon at Senyora Elizabeth. Maliban kay Senyorito Gustavo at Senyorito Gaston na nakita ko na, ang sabi niya sa akin gwapo din daw yung mga kapatid nila sa ibang mga nanay. Nakita na daw sila ni Lotlot nung minsang napunta sya sa hacienda ng mga Sandoval.

"Boy, may kasama ka?" Agad niyang tanong pagkalabas namin. Hindi makikita kung may kasama si Buboy dahil tinted ang sasakyan na dala nito.

"Halika, pasok. Anong gusto mo?" Pero ang mata ni Amor ay nasa itim na sasakyan.

"Katong 69 lang ako." [Yung 69 lang ang akin.]

Oh bago pa kayo malito, hindi yung 69 na nasa utak niyo ang tinutukoy ni Buboy.

"Hi Sky! Kamusta?" Palakaibigan nitong bati sa akin. "Availabol pa ang Kiki-yum uberlud with pisbol and unli BJ por onli 69 pisos?"

Bukod sa bibingka, puto maya at sikwate nag-upgrade na din ang pagkabuhayan namin ni Lola ngayon. Kung si Diwata may pares overload ako naman meron Kiki-Yum overload with fish/vegetable balls and unli BJ for only 69 pesos. Isang platter ng kikiam with fish and vegetable balls plus fresh buko juice.

"Hello Kuya Buboy, yes available kaay—"

Pero hindi ko natapos ang aking sasabihin dahil biglang bumukas ang pintuan ng sasakyan na nakapark sa harapan namin.

Mula doon bumaba ang isang lalaking— isang prinsepe na ubod ng gwapo. No! Not only gwapo! Kulang ang salitang gwapo para e-describe si pogi.

Oh sheyt na malagket!

I swear that very moment, literal na parang tumigil sa pag-ikot ang mundo ko. Yung puso ko parang saglit ding humito sa pagtibok.

Para akong natulala at literal na siya lang ang nakikita ko. Yung parang sa mga palabas sa tv, na wala kang ibang nakita kundi siya lang, yun na yun ang nararamdaman ko ngayon.

Ikaw na ba si Mr. Right? Ikaw na ba love of my life? Ikaw na ba ang icing sa ibabaw ng giti ko.

Ay mali! Bastos ang utak mo Sky!

Ikaw na ba ang icing sa ibabaw ng cupcake ko pala.

Nadako ang tingin ko sa mga mata nya.

📌 Blue eyes.

Pak! Check! Mata palang para na akong tinutunaw.

Woi animal gikilig akong tingg*l bearing! Isang tingin pa lang panalo na!

Nakita kong nilibot nito ang tingin sa paligid at napansin ko din agad ang pagkunot ng noo niya. Mukhang hindi nito nagusuthan ang lugar kung nasaan siya. Typical rich attitude.

Pero kiber, wapakels ang Sky niyo, mas bet kong inspeksyonin ang buong mukha niya.

📌Matangkad, matangos ang ilong, mapula ang mga labi.

Check na check! Hindi lang matangkad. Malaki pa ang...pangangatawan.

At yung ilong perfect! Bagay na bagay sa nutural nitong mamula-mulang labi. Well defined jaw pa si Angkol. Bagay sa masungit niyang mukha. At yung buhok, gray. He looks so handsome with that color of hair and style.

Yatis! Yung kilig ko wala nang paglagyan. Alam mo yung feeling na gusto kong sumigaw gaya nung commecrial ni toni gonzaga na maypa 'i love you piolo'. Woi! Yun na yun ang gusto kong gawin.

📌Mabango, amoy Johnson's baby powder.

Pak na pak! Malayo pa lang amoy ko na ang mamahaling pabango niya. Para siyang may naka built-in na pabango sa katawan at amoy na amoy ko ang freshness niya. Amoy aircon.

"Yung bibig mo Sky isara mo." Narinig kong mahinang bulong ni Lotlot sa akin pero hindi ko siya pinansin. Nakatuon lang ang mata ko sa poging kasama ni Kuya Buboy. Wala akong pakialam kung nakanganga ba ako o literal ba na tumutulo ang laway ko.

Gosh! ayokong kumurap at baka mawala si pogi sa paningin ko. This is it, ito talaga ang hinahanap ko. Nasa kanya na lahat.

"Buwboy, where can we buy prepaid card?"

Shet ang boses! Paos at parang nang-aakit.

Wala na talaga, yung panty ko parang nahuhulog na. Kausap nito si Buboy pero wala akong naiintindihan, yung boses niya parang musika lang sa aking pandinig. Yung imagination ko kung saan-saan na umabot.

"Load, Senyorito. Si Sky naga-pa-load."

Sky. Pangalan ko yun. Ako yun. Pero walang salitang lumabas mula sa akin, parang nalulon ko ang dila ko at nakatingin lang ako sa kanila. Nakita ko ang pagsulyap sa akin nung gwapong lalaking tinawag niyang senyorito kaya maarte kung inipit ang buhok ko sa aking tenga. Pero imbes na magandahan ito sa akin nakita ko ang pagsalubong ng kilay niya.

Wait lang. Pawisan ba ako? Maayos ba ang buhok ko? Yung blush on at liptin ko meron pa ba?

Gosh! Si Kuya Buboy di naman sinabi na dadalhin niya pala dito si Pogi.

"Sky, pa-load daw si Senyorito."

Muli kong narinig ang pangalan ko. Oa na kung oa pero para talaga akong nabato sa kinatayuan ko. Alam kong ako ang kinakausap ni Kuya Buboy pero nakatulala lang akong nakatingin sa kasama niya na sa pagkakatong ito ay lalong kumunot ang noo.

Ang kulay asul niyang mga mata ay nabaling sa akin. Wala akong makitang emosyon dito pero nang tumaas ang isang kilay niya ay ngumiti na ako. Yung pinaka maganda kong ngiti na sa kanya ko lang pinakita.

"Are you okay, Miss?" Magksalubong ang kilay nitong tanong sa akin.

Pero imbes na sagutin ang tanong nya iba ang lumabas sa bibig ko.

"Mine."

Inaangkin ko na agad si pogi. Akin na 'to wala na pwedeng umangkin sa kanya.

Ang mga mata ko naman ay parang may sariling buhay na pinasadahan ng tingin ang kabuuan niya. Malapad ang dibdib, nakabakat ang muscles sa kanyang fitted na damit. Ang braso ay parang namumutok. Maugat ang mga kamay na tila ba may sariling mga buhay, nangangalit.

Sana all maugat!

Naramdaman ko ang mahinang pagkurot ni Lotlot sa tagiliran ko kaya napalingon ako sa kanya.

"Gaga, load daw!"

Ha? Load ba? Bakit ano bang sinabi ko? Ang mukha ni Lotlot ay hindi na maipinta. Kulang na lang na sabihin nitong kinakahiya niya ako.

Muli kong binalik ang tingin sa lalaki na parang tangang nakangiti pa rin.

"Load ba, pog--"

Pero nabura ang ngiti ko nang bigla itong magsalita.

"Never mind." Masungit nitong sabi at basta na lang tumalikod.

___________________________