Chapter 9.3

Pagkalabas na pagkalabas ni Vena sa opisina ni Andrei ay napatitig siya sa pinto kung saan lumabas ang dalaga. Kitang- kita niya sa mga mata nito kung paano gumuhit ang sakit dahil lang sa mga salitang binitawan niya na sa totoo lang ay wala naman sana siyang balak na sabihin ang mga iyon.

Maging siya sa sarili niya ay nabigla rin dahil sa sinabi niya ngunit huli na para bawiin niya pa ang mga iyon. Sa tanang buhay niya ay nagyon lamang siya nakunsensiya para sa isang babae. Hindi niya alam pero parang may kung anong kumurot sa puso niya dahil sa ginawa niya.

Pero wala siyang ibang choice kundi ang gawin ang bagay na iyon. Alam niyang iyon lang din naman talaga ang paraan para maitaboy niya ito pero hindi naging maganda iyon. Bigla siyang napasandal sa kaniyang swivel chair at pagkatapos ay napahilot sa kaniyang sentido.

Ano bang pumasok sa utak niya at bigla- bigla na lamang niya iyong nasabi ng hindi nag- iisip? Bakit hindi na lang niya nagawang pag- isipan ang mga sasabihin niya da