Chapter 20.8

Nakita niya naman ang muling pagtango- tango nito dahil sa naging sagot niya. Nakita niya na magbubuka pa sana ito ng bibig ngunit bigla na lamang silang nakarinig ng busina mula sa labas, paglingon niya doon ay isang sasakyan ang pumarada. Nasisiguro niya na ang Kuya Luke niya na iyon kaya dali- dali siyang tumayo mula doon at pagkatapos ay dinampot na ang kaniyang bag.

“Sa bahay na lang tayo mamaya mag- usap, Kuya Vin.” nakangiting sabi niya rito at pagkatapos ay dali- dali na siyang umalis mula doon.

Nakita niya ang paglapit sana ng mga lalaking nakatayo sa direksiyon niya ngunit bigla na lang napatigil dahil tila ba may pumigil sa mga ito. Ilang sandali pa ay tuluyan na nga siyang nakalabas sa establisymentong iyon. Pagbukas niya ng kotse ay kaagad niyang nakita ang nakakunot na mukha ng kaniyang Kuya Luke habang nakatingin sa kaniya.

Nagmadali siyang pumasok sa loob ng kotse at mabilis na isinara iyon. Nang mga oras na iyon ay napakalakas ng tibok ng puso niya at halos nangingini