Chapter 20.5

Nakailang katok muna si Andrei sa pinto bago siya pinagbuksan ni Cathy. Sinadya niya talaga ito sa bahay nito upang makausap dahil hindi naman nito sinasagot ang mga tawag niya. Nasisiguro niyang galit pa rin ito sa kaniya dahil sa naging guling pag- uusap nila tungkol sa pagbubuntis nito.

Kitang- kita niya ang gulat sa mukha nito nang makita siya nitong nakatayo sa labas ng pinto. Ngunit nagtagal lamang iyon ng ilang segundo dahil biglang pumormal ang mukha nito. Pinag- krus rin nito ang mga kamay sa dibdib at pagkatapos ay tumingin sa kaniya.

“Anong ginagawa mo pa rito?” nakataas ang kilay nitong tanong sa kaniya at base sa tono ng boses nito ay galit pa rin ito sa kaniya hanggang sa mga oras na iyon.

Sino ba naman kasi ang hindi magagalit dahil sa sinabi niya. Masyado kasing maraming iniisip ang utak niya ng mga oras na iyon kaya niya nasabi iyon. Maling- mali naman talaga ang sinabi niya at aminado siya. At kaya nga siya nagpunta doon para makipag- usap rito ng maayos tungkol sa b