35. Walang pakialam

Raven POV:

“Nasaan na ba ang dalawang ‘yon?” Kanina pa ako paikot-ikot dito sa mall kakahanap kina Rose at Mike. Nalingat lang ako saglit, nawala na ang dalawa. Siguro ay naghahabulan na naman sila.

Nakilala lang namin si Mike sa playground kung saan madalas namin ipasyal ni Freya si Rose. Palagi siyang kalaro doon ng inaanak kong si Rose. At kanina nga, nakita namin siya na umiiyak… nagugutom daw siya. Kaya naisipan ko na isama siya sa pagpunta namin dito ni Rose. Wala na siyang magulang kaya naman walang maghahanap sa kanya.

Hays… mukhang pagiging tita-ninang nalang talaga at pag-aalaga ng mga bata ang role ko sa buhay. Wala na ngang love life, haggard pa…

“Teka… boses iyon ni Mike, ah.” Ani ko ng marinig ang boses ni Mike. Parang umiiyak pa yata ito. Dali-dali akong tumakbo para sundan kung nasaan banda ang boses na pinanggagalingan ng kanyang iyak.

Gano’n nalang ang panlalaki ng mata ko nang makita si Olivia, kasama ang ina ni Alexnader. Nagsusumigaw sa karangyaan ang