Kabanata 7: Mansyon

ALLYS POV

Nabigla ako nang yakapin ako ng matandang babae at humuhikbi pa siya habang ginagawa iyon sa akin. Napatingin ako sa paligid. Lahat ng mga kasambahay ay nakamasid sa akin. Siguro ay hinihintay nila kung ano man ang magiging reaksiyon ko.

"Maligayang pagbabalik Miss Mariel," sabi nilang lahat nang sabay-sabay saka sila sabay-sabay ring nagsiyukuan.

"Jusko Mariel bata ka! Masaya kami at magaling ka na." Iyak ng matanda saka ako tiningnan ng mula ulo hanggang paa.

"Ayos ka na ba? Wala na bang masakit sa iyo?" tanong niya habang iniinspeksyon ang aking buong katawan.

Hindi ko alam kung ano ba ang dapat kong gagawin. Nanginginig kong hinawakan ang kanyang dalawang kamay saka siya binigyan ng isang matamis na ngite.

"Tumahan na po kayo. Maayos na po ang pakiramdam ko kaya huwag na po kayong mag-alala," sabi ko sa marahang tinig habang nakangite sa kanya.

Narinig kong nagsinghapan ang karamihan sa mga kasambahay na naririto. At nakita ko rin si mommy na nakangiteng nakatingin