Chapter 66

Nang makaalis si Diego sa mansion ay tumungo kaagad si Rizza sa opisina ni Drake dahil alam niya na nandoon ito sa loob. Gusto niyang makausap si Drake at tanungin kung bakit nito tinanggal sa trabaho si Diego. Hindi nito sinasabi ang dahilan kaya gusto niyang malaman mismo 'yon kay Drake. Aalamin niya ang totoo dito. Hindi siya titigil na hindi nalalaman 'yon. Nararamdaman naman niyang walang masamang ginawa si Diego kay Drake. Nagtatrabaho lang naman ito nang maayos. Saksi siya sa tapat na pagtatrabaho nito. Nagtataka siya kung bakit tinanggal na lang ito nang basta-basta si Diego. Naaawa siya para kay Diego.

Nakasalubong ni Rizza si Dan na galing sa loob ng opisina ni Drake. Pilit na ngiti lang ang ginawad niya dito at nagtanong dito kung nasa loob pa si Drake. Kaagad naman na sumagot sa kanya si Dan.

"Opo. Nasa loob pa po po siya ng opisina niya," sabi ni Dan sa kanya na may kasamang tango.

Tumango rin sa kanya si Rizza at saka nagsalita, "Ah, ganoon ba? Papasok muna ako sa loob.