Chapter 74

Bumili muna ng bulaklak at kandila sina Drake at Rizza bago pumunta sa sementeryo para dalawin ang puntod ng mga magulang niya. Tahimik na tahimik doon sa loob ng sementeryo. Nang makarating sila sa puntod ng mga magulang ni Drake ay nagsalita ito kay Rizza na para bang pinapakilala sa kanya ang mga magulang niya.

"Ito ang puntod ng mga pinakamamahal kong mga magulang, sweetie. Sigurado akong natutuwa sila ngayon na kasama kita. Sigurado rin ako na kilala ka na rin nila kahit hindi na kita ipakilala sa kanila ngunit gagawin ko pa rin 'yon," sabi ni Drake kay Rizza habang tinuturo ang puntod ng mga magulang niya. Tumango lang si Rizza sa kanya na may kasamang ngiti. Inilagay ni Drake ang binili nilang bulaklak sa tabi ng puntod ng mga magulang niya at pagkatapos ay sinindihan ang kandila na kasama ng bulaklak. Taimtim rin na nagdasal silang dalawa at kahit hindi naman na naabutan pa ni Rizza ang mga magulang ni Drake ay nagdasal pa rin siya para dito.

Matapos nilang magdasal ay humar